Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea 29 pertsona gehiagori jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela adierazi du.
Iraungitako txertoen harira, Osakidetzak txerto hexabalente, tetrabalente eta hirukoitz birikoak berriro jartzen jarraitzen du. Alberto Martinez Eusko Jaurlaritzako Osasun sailburuak astearte honetan azaldu duenez, guztira 23 pertsonak jaso dute txerto hexabalentea. Halaber, beste 29 pertsona ikertzen ari dira, baina erregistroan egindako akatsak izan daitezkeela aurreratu du Martinezek.
Gobernu bileraren osteko agerraldian, iraungitako txertoen auzia "bideratuta" dagoela nabarmendu du Martinezek. Horren esanetan, atzemandako intzidentziak "bideratu" dira, eta, gainera, hasieran aurreikusi baino kasu gutxiago izan dira azkenean.
Txerto hexabalenteari dagokionez, Osakidetzak iraungitako dosia jaso dutenei deitu die eta gehienak berriro txertatu dituzte.
Guztira, 23 pertsonari jarri diete (18 heldu eta 5 haur). Halaber, iraungitako txerto hexabalentea beste 29 pertsonari ere jarri ote zitzaien ikertzen ari dira, baina erregistroan egindako akatsak izan daitezkeela aurreratu du Martinezek.
Tetrabalente eta hirukoitz birikoari dagokienez, iraungitako dosiak 75 pertsonari txertatu dietela azpimarratu du Martinezek, eta ez 78ri, hasieran esan bezala. Horietako batzuk berriro txertatu dituzte eta gehienek hitzordua jaso dute osasun kartilla eta historiaren arteko kontrastea egiteko.
Bestalde, sailburuak adierazi du 2025ean emandako txerto guztiak berrikusi egingo direla, bost osasun zentrotan indar berezia jarrita: Iztietako (Errenteria), Ondarretako (Donostia) eta Usurbilgo osasun zentroetan —Donostialdeko ESIan— eta San Migel eta Landako osasun zentroetan —Galdakao Barrualdea ESIan—.
"Bideratuta dago"
Iraungitako txertoen auzia "bideratuta" dagoela azpimarratu du Osasun sailburuak, eta hasieran uste zena baino intzidentzia txikiagoa izan duela. Are gehiago, kasu isolatuak izan direla gaineratu du.
Behin auzia bideratuta, orain zer gertatu den argitzea falta dela adierazi du. Dena den, Martinezek argi utzi du ez dela inor seinalatzeko unea.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.