Osasunbideako langile bati zortzi urteko espetxe zigorra ezarri diote, alabaren eta biloben datu klinikoak baimenik gabe ikusteagatik
Osasunbideako langile bati zortzi urteko kartzela zigorra ezarri diote, Altsasuko osasun zentroan administrari laguntzaile zela alabaren eta biloben datu klinikoak ikusteagatik, delitu dena.
Antza denez, ama-alaben arteko harremanak hautsita zeuden aspalditik, eta ama bere lanbideaz baliatzen zen konfidentzialak diren datuak ikusteko.
2023. urtetik epailearen agindua zegoen: ama ezin zen alaba eta 5, 3 eta 2 urteko bilobengana hurbildu.
Euren arteko harremanak oso gaiztotuta zeudela-eta amak urruntzeko agindua zuen. Izan ere alabak, biktimak, esana zuen ez zuela nahi bere gurasoek bere bizitzaz ezer jakiterik.
Altsasuko osaun zentroan lanean zela eskura zituen erreminta informatikoak baliatuz, alabaren eta biloben datuak behin eta berriz ikuskatzen zituen, 1.300 aldiz baino gehiagotan sartu zen haietara.
Horrela lortu zuen familiaren datu intimoenak lortzea, alabak jasotzen zuen tratamenduaren txosten psikologikoak barne. Gertatzen ari zenaz jakin zuenean antsietate krisia jasan zuen biktimak.
Epailearen aurrean azaldu zuen moduan, erabat zaurgarri sentitu zen, bere amak nahi zuen informazio guztia lortzen zuelako.
Gaur ezagutu den epaiaren arabera, amari zortzi urteko kartzela zigorra ezarri diote sekretuak agerrarazteagatik, bi urte alabaren datuak ikusteagatik eta beste bina biloba bakoitzeranak ikusteagatik.
Gainera, ezingo da haiengana 200 metro¡ baino gertuago hurbildu eta ezinezkoa izango du beraiekin harremanetan jartzea datozen bost urtean.
Zure interesekoa izan daiteke
Bideo bat zabaldu dute Iker Aranari foam bala batekin tiro egiteagatik ikertutako ertzainaren bertsioa gezurtatzeko
Justizia Aranarentzat plataformak bideo bat argitaratu du, ertzaintzaren abokatuak auzia artxibatzea eskatu ondoren. Iker Arana gazteak salaketa jarri zuen barrabil bat galtzeagatik Bilboko Etxarri Gaztetxea utzarazteko operazioan ertzainek tiro egin ostean.
Amaia, bularreko minbizia duen pazientea: "Orain hemen nago, baina oso gogorra izan da eta indarra erakusten saiatu naiz"
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da. Bularreko minbizia edo prostatakoa dira gehien gainditzen direnak. Amaia kasu horietako bat da. 31 urterekin diagnostikatu zioten bularreko minbizia.
Nafarroako Gobernuak esan du "protokoloaren arabera" jokatu duela tutoretzapeko zentro batean adingabe bati ustez egindako sexu-erasoaren inguruan
Javier Remirez bozeramaileak "agente, komunikabide eta alderdi politiko guztiei erantzukizuna" eskatu die, "adingabeen babesgabetasun-egoerak sortzen dituzten informazio zehazgabeei bide ez emateko". Ildo horretan, "eskuin muturrak" egoera aprobetxatu nahi duela gaitzetsi du, "adingabe jakin batzuk jatorriaren edo nazionalitatearen arabera estigmatizatzen dituen diskurtso faltsu bat markatzeko".
Adina egiaztatzea, adingabeak sare sozialetan sartzea eragozteko oztopo nagusia
Aurpegiaren azterketa biometrikoak, kreditu-txartelaren zenbakiak edo NANak ez dute konbentzitzen, datu sentikorrak babesteko arriskuagatik. Gakoa da adina egiaztatzeko sistemak aurkitzea, baina behar bezalako anonimotasunarekin.
Eskolak bertan behera, 3000 lagun ebakuatuta eta errepide anitz itxita Andaluzian, Leonardo ekaitzaren ondorioz
Cadiz alerta gorrian dago euriteengatik. Mendilerroek eta urpean gera daitezkeen guneek bereziki piztu dute kezka. Hori dela eta, UME Larrialdietarako Unitate Militarrak meatzaritzako baltsei eusteko eta hainbat tokitan uretako eta lurreko erreskateak egiteko lan egingo du.
Artxandako tunela itxi dute sei hilabeterako Ugasko eta Txorierri artean, azpiegitura berritzeko lanak egiteko
Denbora horretan, Bilbo eta Txorierri arteko lotura bermatuta egongo da lehen tunelaren bitartez, baita Enekuriko eta Egirletako ohiko sarbideen bitartez ere. lanen helburua azpiegituraren segurtasuna, efizientzia eta jasangarritasuna indartzea izango da, eta guztira ia 13 miloi euroko inbertsioa aurreikusi da.
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da
Bularreko minbizia edo prostatakoa dira gehien gainditzen direnak, bost urtera % 75 eta % 85 bitarteko biziraupenarekin. Halaber, haurren minbiziaren biziraupenak ere hobera egin du: 15 urtetik beherakoek % 80 inguruko biziraupen-tasak dituzte, Osakidetzaren datuen arabera.
Hiru ibilgailuk talka egin dute eta auto-ilara luzeak sortu dira Avanzadan, Erandiorako noranzkoan
Istripuaren ondorioz, BI-637 errepideko errei bat itxi behar izan dute, Leioa parean, egunero trafiko handia duen tarte batean.
Makilak hartuta kopla kantari aterako dira gaur Euskal Herriko hainbat txokotan, Santa Ageda bezperan
Euskal jantzi tradizionalez jantzita eta makilak eskuan, kalez kale koplak kantatzera aterako dira lurra esnatzeko helburuarekin.