Indarkeria zantzuak dituen gizon baten gorpua aurkitu dute Ganguren gainaren inguruan
Ertzaintzaren lehen ikerketei esker jakin dutenez, Barakaldoko 60 urteko gizon bat da, eta asteazkenetik zegoen desagertuta.
Ertzaintzaren ibilgailu bat. Argazkia: Irekia
Ertzaintzak ikerketa abiatu du ostiral goizean Ganguren aldean, Lezama udalerrian, indarkeria zantzuak zituen gizon baten gorpua aurkitu ostean.
Gorpua goizerdian aurkitu dute, Lezama eta Ganguren arteko errepidean, eta bertaratutako agenteek egindako lehen ikerketen ondorioz, Barakaldoko 60 urteko gizon baten gorpua zela jakin dute. Gizonezkoa asteazkenetik zegoen desagertuta, bere senideek jakinarazi dutenez.
Hildakoaren ahaideen arabera, gizona Trapagaran aldera joan zen bere kotxea saltzeko asmoz, eta bertan agertu da ibilgailua, baina ordutik ez dute haren berririk izan.
Ikerketa abiatu dute
Segizio judizialak gorpua jaso ondoren, Auzitegi Medikuntzako Euskal Erakundera eraman dute, autopsia egitera. Ertzaintzak ikerketa abiatu du, heriotza zerk eragin duen argitzeko.
Zure interesekoa izan daiteke
Oihane Mateos omendu dute Euskal Pentatloiaren finalean, emandako laguntza eskertzeko
Manifestazio jendetsua egin dute Madrilen etxegabetzeen kontrako berehalako neurriak eskatzeko
Epaimahaikide israeldar baten presentzia salatzeko manifestazioa Zinemaldian, BDZk deituta
Foruzaingoak Iruñeko futbol partida batean esku hartu behar izan du, irain arrazistengatik
Kontrolatu dute Gueñesen piztutako baso sutea
Urritik aurrera, Osakidetzan egingo dituzte 10 aste baino gutxiagoko borondatezko abortuak
Asteburuan babes neurriak indartuko dituzte Orio parean su hartu duen itsasontziaren kontura
0-4 urteko haurra duten familientzako 20.500 laguntza eskaera baino gehiago jaso ditu Jaurlaritzak
Gutxienez asteartera arte ezingo da txorrotako ura edan Arrasaten
