Albiste izango dira: Gau erabakigarria Anoetan, Ekialde Hurbileko gatazka eta tolosar baten gorpuaren agerpena Parisen
Gaur Orain-en albiste izango direnen laburpena, bi hitzetan.
Jon Martin eta Gorka Guruzeta, joaneko partidan, San Mamesen. Argazkia. Europa Press
Honako gai hauek hartuko dituzte gaur, 2026ko martxoaren 4an, hedabideetako lerroburu nagusiak:
-Gau erabakigarria Anoetan: Donostiak intentsitate handiko gaua biziko du gaur Realaren eta Athleticen arteko Kopako derbiaren inguruan. Partida zuzenean jarraitu ahal izango da ETB1en, ETB Onen eta kirolakeitb.eus-en.
- Ekialde Hurbileko gatazka. Tentsio handia Ekialde Hurbilean, Iranen, Israelen eta Estatu Batuen arteko gatazkaren ondorioz. Misil, drone eta bonbardaketen bidezko erasoek jarraitzen dute. Aldi berean, Iranen aliatu diren taldeek —Hezbolak, esaterako— erasoak egin dituzte Libanotik.
Gatazka Golkoko hainbat herrialdetara hedatzen ari da, eta eskualde mailako gerra zabalago baten arriskua handitu egin da.
-Tolosako gizon baten gorpu zatikatua aurkitu dute. 33 urteko gizon tolosar baten gorpua aurkitu dute Parisko etxebizitza batean, zatituta, eta gizon bat atxilotu dute hilketaren egilea delakoan. Bobignyko Fiskaltzak hilketa eta atxiloketa baieztatu ditu.
Zure interesekoa izan daiteke
Hornidura arazorik izango al da Euskal Herriko gasolindegietan? Larritzeko arrazoirik ez, zerbitzuguneen arabera
Auto gehiago ibili dira azken egunotan gasolindegietan eta zenbait arazo izan dira hornidurarekin.
Ibilaldiaren aurtengo kanta aurkeztu dute, “Hiri Kiribili Bil”
Kirikiño Bilboko ikastolak antolatu du Bizkaiko ikastolen aldeko aurtengo jaia. Kantua Aiora Renteriak (Zea Mays), Unai Madariagak (Ezezez) eta Txopet hirukoteak konposatu eta interpretatu dute.
Auto-ilarak Arrontegiko zubian, Getxorako noranzkoan, istripu arin baten ondorioz
Errei bat itxi behar izan dute, eta arazoak sortzen ari dira eskuinaldeko sarbide nagusietako batean.
Gizon tolosar baten gorpua aurkitu dute Parisko etxebizitza batean, zatituta
Etxe jabea atxilotu dute hilketaren egilea delakoan, eta Fiskaltzak ikerketa abiatu du hilketagatik.
Gau erabakigarria Anoetan: Realaren eta Athleticen arteko bigarren finalerdia, zuzenean kirolakeitb.eus-en, ETB1en eta ETB Onen
Euskadi Irratiak eta Radio Euskadik ere eskainiko dute zuzenean Kopako derbi erabakigarria. Donostian final handietako giroa dago.
Bost persona hil dira Santanderren, itsas ondoko egurrezko pasabide bat hondoratuta
Orain arte zabaldutako informazioaren arabera, beste pertsona bat desagertuta dago, eta bat bizirik ateratzea lortu dute. Kantabriako lanbide heziketako zentro bateko ikasle talde bat zen.
Errenteriako Udalak 25 plazako lan-eskaintza bat etenarazi du, euskara eskakizunaren aurkako helegite baten ondoren
Udal administrazioko postuetarako eskaintza azaroan zabaldu zen, eta eskakizunen artean, C1 euskara maila zehaztuta zegoen lanpostu guztietan.
Gasteizko gotzaina: "Ez genuke inoiz gertatu behar ez zena gogoratzen ibili behar"
Juan Carlos Elizaldek 1976ko martxoaren 3an Poliziak eraildako bost lagunetako bakoitza gogoratu du, 50. urteurrenaren harira ospatutako mezaren homilian. Arabako Elizaren ordezkari nagusiak adierazi duenez, "gure hurbiltasuna eta otoitza berritzen dugu biktimen alde eta gertaera horiek markatutako guztien alde".
Osakidetzak "txertaketa sistemaren segurtasuna" indartuko du, "berehalako eta epe ertainerako" neurriekin
Bi hilabeteko epean, besteak beste, erosketa-agiriak berrikusiko dira, zentro bakoitzeko txertaketa arduradun bat izendatuko da eta hozteko ekipoak kudeatzeko protokolo berria ezarriko da.