Ertzaintzak Basaurin erasoa gertatu eta gutxira identifikatu zituen Ekain Perrino jipoitzeagatik akusatutako guztiak
Epaiketaren bigarren egunean, 2021eko ekainaren 6an eraso homofoboa gertatu zen tokitik ihes egiten ari zirela auzipetuak aurkitu eta identifikatu zituzten ertzainek deklaratu dute.
Ekain Perrinoren aurkako eraso homofoboa gertatu zen Basauriko parkera joan ziren lehen ertzainek hamaika akusatuak bilatu eta identifikatu egin zituzten, erasoa gertatu eta gutxira.
Atzotik hamaika gizonen kontrako epaiketa egiten ari dira Bizkaiko Lurralde Auzitegian, 2021eko ekainaren 6ko goizaldean, Bizkotxalde parkeko eremu batean, biktimari eraso homofobo bat egitea egotzita (23 urte zituen hark gertakarien unean).
Epaiketaren hasieran, "marikoi zikina" oihukatzen zioten bitartean kordea galtzeraino jipoitu zuten akusatu guztiak errekonozitu zituen biktimak. Are gehiago, haren bikotekide zenak atzo deklaratu zuen bere burua gaztearen gainera bota zuela, kolpeez babesteko. Izan ere, gaineratu zuen hark hori egin ezean, hil egingo zutela.
Ertzainek epaiketan adierazi dutenez, gertaeren lekutik ihes egiten ari zirela atxiki eta identifikatu zituzten auzipetuak, bozgorailu handi bat eta gitarra bat zeramatzatela. Horien arabera, gerora ertzain-etxean egiaztatu zuten haietako askok polizia aurrekariak zituztela ondarearen aurkako delituengatik.
Akusazioak hiru urteko zigorrak eskatzen ditu hamaika akusatuetako bakoitzarentzat gorrotozko lesio delituengatik, bai eta bost urteko urruntze-agindua ere. Halaber, kalte moralengatik 6.000 euroko kalte-ordaina eskatzen du.
Fiskaltzak, bere aldetik, erasoaren garaian 18 eta 27 urte zituzten hamar akusatuentzat hiruna urteko zigorra eskatzen du gorrotoak astundutako lesio delituengatik, eta 18 hilabetekoa, beste akusatuarentzat.
Zure interesekoa izan daiteke
Europako tenperaturak batez bestekoak baino beroagoak izan ziren 2025ean, eta aurrekaririk gabeko bero boladak eta suteak gertatu ziren
Copernicus zerbitzuak eta Munduko Meteorologia Erakundeak elkarlanean egindako "Europako Klimaren Egoera 2025ean" txostenaren arabera, glaziarrek izotz masa galdu zuten, inoiz baino hektarea gehiago erre ziren eta itsasoetako gainazaleko tenperatura inoizko beroena izan zen.
Euskadik gazteen indarra berreskuratu du: 25 urtean ez da hainbeste neraberik izan
Euskal Autonomia Erkidegoan 10 eta 19 urte bitarteko 220.000 gazte daude, 1999tik izandako kopururik altuena. Nafarroan, ez zegoen hainbeste nerabe 90eko hamarkadaren hasieratik. Hego Euskal Herrian, guztira, 300.000 nerabe inguru daude.
Biarritzen izan da Chanelen azken desfilea, Nicole Kidman, Marion Cotillard eta zinema eta moda munduko izar handiekin
Modako enpresak Ipar Euskal Herriarekin duen lotura indartu du saltokia inauguratuta, eta sasoi arteko bildumaren aurkezpenarekin.
Zer gertatuko da alokairuekin dekretuaren indarraldia amaitu ondoren?
Hiru agertoki nagusi ireki dira. Lehenengoak luzapena eskatu eta dagoeneko onartuta dutenei eragingo die: luzapen horiek baliozkoak izaten jarraituko al dute? Bigarrenak luzapena eskatu duten baina oraindik erantzunik jaso ez duten maizterrak izango ditu ardatz: babestuta daude ala hutsune legal batean sartzen dira? Eta hirugarrena, oraindik eskatu ez zutenak: aurrerago egin ahalko dute?
CIAFek Adamuzeko trenen anomaliak baztertu ditu eta berretsi du istripua erreiaren hausturak eragin zuela
Iñaki Barron CIAFeko presidenteak astelehen honetan Senatuan esan zuenez, dituzten azterketa-elementuekin ezin da esan Adamuzeko istripua ekidin zitekeenik, eta aztertzen jarraitzen duten arrazoi nagusia azpiegituraren akats bat da, erreian edo bidearen soldaduran. CIAFek adierazi du bere ondorioak "behin-behinekoak" direla, batzordearen ikerketak berak eta Guardia Zibilak egindakoak "aurkikuntza berriak" ekar baititzakete.
San Prudentzio eguna, Armentiara erromerian joateko ordua
Festaren bihotza bihurtu dira beste behin Armentiako Basilikaren inguruko zelaiak: 200 saltokitik gora eta mimoz egindako jaki goxoak salgai. Karakolak, perretxikoak, taloak... Bertako jakiak dastatzeko eta familian gozatzeko egun aproposa izaten da San Prudentzio eguna.
Lemoizko akuikultura proiektua atzera botatzea eskatu du Greepeacek, itsasoari eragingo dion "kaltea" dela eta
Talde ekologistaren arabera, mihi-arrainaren kasua "bereziki kezkagarria da", ez bakarrik itsas uren kalitatean izan dezakeen eraginagatik, baizik eta espezie arrainjalea izanda, beste arrain espezieentzat arriskutsua izan daitekeelako.
Ertzaintzak gizon bat atxilotu du Irunen, goizaldean aurkitu duten gorpuarekin zerikusia duelakoan
Belaskoenea auzoan, suzko armaz egindako zauri bat zuen gizon baten gorpua aurkitu dute txabola baten ondoan.
Zortzi lagun atxilotu ditu Espainiako Poliziak otsailean Sadarren izandako istiluen harira
Indar Gorriko kideak dira guztiak eta desordena publikoak eta agintaritzaren aurkako atentatua leporatzen dizkiete. Operazioak zabalik jarraitzen du.
Ikasgelak ixteko erabakia "bidegabea" eta "arinki" hartutakoa dela salatu dute Nafarroako itunpeko ikastetxeetako sindikatuek
Ikasgelak itxi ordez, ratioak murriztea eta liberatutako baliabideak irakaskuntzaren kalitatea hobetzeko baliatzea eskatu dute SEPNA-FSIE eta UGT sindikatuetako ordezkariek.