Aste Santuan 1.674 hegaldi daude aurreikusita Bilboko Aireportuan, iaz baino 50 gehiago
Mugimendu handieneko eguna apirilaren 6a izango da, 175 hegaldi izango baitira bertan.
Bilboko Aireportua. Artxiboko argazkia: EFE
Aste Santurako 1.674 hegaldi daude aurreikusita Bilboko Aireportuan, iazko epe berean baino 50 gehiago. Pazko astelehena izango da mugimendu handieneko eguna, 175 hegaldirekin.
Aenako iturrien arabera, hauek dira datozen egunetarako aurreikusitako hegaldiak: gaur 143, larunbatean 118, igandean 150, astelehenean 148, asteartean 151, asteazkenean 158, ostegun santuan 162, ostiralean 163, larunbatean 155, igandean 151 eta Pazko astelehenean 175.
Ohiko hegaldi erregularrez gain, Marrakex (Maroko), Katowice (Polonia), Bratislava (Eslovakia) eta Sibiu (Errumania) hirietara charter hegaldiak antolatu dituzte Bilbotik.
Gainera, Royal Air Maroc hegazkin konpainiak Bilbo eta Casablanca arteko hegaldi zuzenak egingo ditu datorren apirilaren 1etik aurrera. Pasa den asteazkenetik Vienarako hegaldiak ere abian dira.
Bilboko Aireportuko 'handling' zerbitzuen greba
CCOO, UGT eta USO sindikatuek greba mugagabea hasiko dute datorren astelehenean, Loiun eta Aenako beste hamaika aireportutan lan egiten duen Globaliako "handling" enpresan, hitzarmen kolektibo berriaren negoziazioaren barruko desadostasunak direla eta.
Hasiera batean greba gaur hastea aurreikusten bazen ere, datorren astelehenera arte atzeratu dute.
Langileek lanuzte partzialak egingo dituzte astelehen, asteazken eta ostiraletan: 5:00etatik 7:00etara, 11:00etatik 17:00etara eta 22:00etatik 00:00etara.
Zure interesekoa izan daiteke
Gutxienez 4 kilometroko auto-ilarak izan dira AP-8 autobidean Zornotzan, bi errei ixtea eragin duen istripu baten ondorioz
Zirkulazioak arazo handiak izan ditu Irunerako noranzkoan, 95. kilometroan. Istripuaren ondorioz, bi errei itxi behar izan dituzte.
Ertzaintzak emakume bat atxilotu du Getxon, ustez bikotekidea larri zauritzeagatik
Gertakaria gauean izan da, eta zauritua urgentziaz eraman behar izan dute ospitalera.
Hondarribiak II. Berdintasun Plana onartu du, Alardearen “gatazkaren konponbidean” aurrera egiteko neurriak jasota
Abotsanitzek eta EH Bilduk osatutako gobernu-taldeak babesa eman dio planari; EAJk eta PSEk, berriz, kontra bozkatu dute, emakumeen elkarte bat “baztertu” dela iritzita.
COIk debekatu egin die trans emakumeei emakumeen kategorietan lehiatzea
SRY genearen detekzioan oinarritutako neurria 2028an sartuko da indarrean Los Angelesen, atzerako eraginik gabe.
Nor da Bermeoko portuko argazkiko neska? Hibai Agorria argazkilariak Madrilen aurkitu du erantzuna
Madrilgo zakarrontzi batean agertutako argazki negatibo batzuek Urdaibai, Elorrio eta Madril arteko istorio eder bat berreskuratzea ahalbidetu dute.
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzua. Osakidetzaren zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du udalekuetan adin txikikoen babesa indartzeko Legea izapidetzea
EH Bilduk eta Sumarrek, neurriak babestu arren, prozedura kritikatu dute, eta PPk eta Voxek erreforma egitea "zuriketa hutsa" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.