29 urteko gizon bat atxilotu dute Elgoibarren, joan den igandean Donostian sexu-erasoa egitea leporatuta
Goizaldean atxilotu dute ustezko erasotzailea, eta Ertzaintzaren zaintzapen zegoela, osasun arazo bat izan du polizia-etxean. Segurtasun Sailak barne-ikerketa ireki du, zer gertatu den argitzeko.
29 urteko gizon bat atxilotu dute gaur Elgoibarren, joan den igandean Donostian sexu-erasoa egitea leporatuta. Biktima 32 urteko emakume bat da, eta atzo jarri zuen salaketa.
Ustezko erasotzailea goizaldean atxilotu dute, eta Ertzaintzaren zaintzapean zegoela, osasun arazo bat izan du eta ospitalera eraman dute, Segurtasun Sailak ohar batean jakitera eman duenez.
Azken gertakari hori polizia-etxe batean izan denez, Ertzaintzaren Barne Arazoetarako Buruzagitzak barne-ikerketa zabaldu du, zer gertatu den argitzeko.
Halaber, oharraren arabera, Euskal Autonomia Erkidegoko Poliziaren Kontrol eta Gardentasun Batzordeari helarazi zaio gaia, eta Bingen Zupiria Segurtasun sailburuak agerraldia egitea eskatu du Eusko Legebiltzarreko Erakunde, Gobernantza Publiko eta Segurtasun Batzordean, argibideak emateko.
Zure interesekoa izan daiteke
Bizkaiko Foru Berriari buruzko erakusketa Bilbon, euskal autogobernuaren giltzarri historikoa gogora ekartzeko
Bilboko erakusketak eta beste erakusketa ibiltari batek euskal autogobernuan giltzarri den 1526ko dokumentuaren ondarea aurkeztuko dute.
Albiste izango dira: EITB Data cannabisaren kontsumoaren inguruan, gobernu bilera Bilboko Carlton hotelean eta Ekialde Hurbileko azken ordua
Gaurkoan Orain-en albiste izango direnen laburpena, bi hitzetan.
Biztanleen % 44k baino ez dute uste cannabisa osasunerako arriskutsua dela; tabakoaren kasuan, berriz, % 96k
Cannabisaren arriskuaren pertzepzioa aztertutako drogen artean apalena da, EITB Datak jaso duenez. Pertzepzio apala izatearekin prebalentziarekin lotuta egon daiteke, eta talka egiten du intoxikazioengatiko larrialdietako datuekin.
Cannabisa kontsumitzen hasteko batez besteko adina 18 urte ingurukoa da: 13 urterekin % 3k probatu dute; 19 urterekin, % 54k
Azken EITB Dataren arabera, gazteen adin-tarte guztietan izan da kontsumoaren beherakada. 15 eta 19 urte bitarteko gazteen % 9k cannabisa kontsumitu dute azken hilabetean; 2008an, berriz, % 20ra iristen zen kopurua.
Euskadi hirugarren autonomia erkidegoa da cannabis kontsumoan: biztanleen erdiak baino gehiagok probatu dute inoiz
Euskal Autonomia Erkidegoan, herritarren % 55ek diote “behin behintzat” kontsumitu dutela substantzia hori; Nafarroan, berriz, portzentajea % 45era jaisten da.
Oyarzabal: "Sevilla eta Kopa hau bihotzean eramango ditugu beti; baina zuen zoriontasuna ikusteak ez dauka preziorik, eta horrekin geratzen gara”
Garrasiak, txaloak, malkoak eta zoramena Donostian. 100.000 lagun espero ziren Gipuzkoako hiriburuan jokalariei harrera egin eta Errege Kopa irabazi izana behar bezala ospatzeko, eta aurreikuspenak bete egin dira.
Pradales: “Futbolak Realari zor zion gaur bizitakoa”
Bost urtean, euskal taldeek hiru kopa irabazi dituztela nabarmendu du Imanol Pradales lehendakariak; horietatik bi Realak eskuratu ditu. Hori horrela, euskal kirolak bizi duen garaia goraipatu du, eta adierazi du “gure nortasunarekin" bat datorrela.
Oñatiko campusean izandako sexu eraso saiakera bat ikertzen ari da Ertzaintza
Zientzia, Unibertsitate eta Berrikuntza sailburuak Unibertsitateak deitutako elkarretaratzean parte hartu du, eta nabarmendu du "edozein indarkeria motaren aurrean eta, jakina, sexu indarkeriaren aurrean" ezinbestekoa dela "erantzun irmoa ematea".
Egoera pertsonalarekin pozik, baina etxebizitzak eta gai ekonomikoek estutu egiten dituzte gazteak
Eusko Jaurlaritzaren Aurrera Begira txostenaren arabera, ongizate pertsonalaren indizeak 100etik 73 puntuko ebaluazioa du, baina areagotu egin da etorkizunarekiko ziurgabetasuna.