Cannabisa kontsumitzen hasteko batez besteko adina 18 urte ingurukoa da: 13 urterekin % 3k probatu dute; 19 urterekin, % 54k
Azken EITB Dataren arabera, gazteen adin-tarte guztietan izan da kontsumoaren beherakada. 15 eta 19 urte bitarteko gazteen % 9k cannabisa kontsumitu dute azken hilabetean; 2008an, berriz, % 20ra iristen zen kopurua.
Cannabisa kontsumitzen hasteko batez besteko adina, Hego Euskal Herrian, 18 urte ingurukoa da. Zehazki, Euskal Autonomia Erkidegoan 18,4 urtekoa da, eta Nafarroan apur bat geroago hasten dira, 18,7 urtekoa.
Datuok EITB Dataren azken azterlanean jaso dira. Cannabisaren kontsumoa Hego Euskal Herrian aztertu du lana, eta hainbat txosten eta inkestatako datuak bildu ditu, drogen kontsumoari, mendekotasun arriskuari, legeztatzearen inguruko jarrerei edota atxiloketen bilakaerari buruzkoak.
EITB Dataren arabera, euskal gazteek Derrigorrezko Bigarren Hezkuntzako (DBH) azken urteetan edo etapa hori amaitu ondoren dute lehen harremana cannabisarekin. 13 urterekin gazteen % 3k baino ez dute cannabisa probatu; 17 urterekin, % 37k; eta 19 urterekin, % 54k kontsumitu dute cannabisa.
Ñabardurak, adinaren arabera
Hala ere, kontsumoa hasteko adinari dagokionez, zenbait ñabardura kontuan hartu behar dira.
Batez besteko adinaren datua (18,4 urte) Osasun Ministerioaren EDADES inkestatik dator (Espainiako Alkohol eta Drogei buruzko Inkesta). Baina badago beste inkesta bat batez besteko adina nabarmen jaisten duena: Osasun Ministerioaren ESTUDES azterlana, 14 eta 18 urte bitarteko ikasleen datuekin egina.
2025ekoan, cannabisa kontsumitzen hasteko batez besteko adina 14,8 urtekoa zela ondorioztatu zuen, baina nabarmendu behar da inkestatutakoen % 21ek baino ez zutela cannabisa probatu.
Alde horren arrazoia inkesten metodologian dago. Lehenengoan 15 eta 64 urte bitartekoak hartzen dira kontuan; hortaz, helduak ere sartzen dira, eta atzera begirako kalkulua egiten da hasiera-adinari buruz.
ESTUDES inkestak, berriz, nerabeen erantzunak jasotzen ditu, egungo kontsumoan zentratuz, eta kanpoan geratzen dira geroago hasi diren helduak. Horrekin batera, beste ñabardura bat aipatu behar da: 14,8 urteko batezbestekoa cannabisa probatu dutenak kontuan hartuta atera da, eta adin horretan (14-18) inkestatutakoen bostetik bat baino ez dira.
Euskadiko Adikzioen Inkestari erreparatuz, cannabisa probatu duten guztiak kontuan hartuta, % 13,7k 15 urte bete baino lehen egin dute; % 31,9k, 16-17 urterekin; % 45,5ek, 18 eta 24 urte bitartean; eta % 8,9k, 25 urterekin edo geroago.
EITB Datak egindako focus group batean adinari lotutako ñabardura ageri da. Parte hartu zuten nerabeek hasiera-adina 13 eta 14 urte artean kokatzen dute. “13 edo 14 urterekin probatu nuen, DBHko bigarren mailan”, dio 17 urteko gazte batek.
Gainera, gazte batzuek diote alkohola dela batzuetan cannabisa probatzeko sarbidea; diotenez, era berean, cannabisa izan daiteke gero beste droga batzuk probatzeko lehen urratsa.
Bilakaera: gazteek gero eta cannabis gutxiago
Bestalde, EITB Datak 15 eta 29 urte bitarteko gazteen cannabis kontsumoaren bilakaera ere aztertu du. Datuen arabera, 2008tik 2023ra kontsumoak behera egin du adin-tarte guztietan.
Horrela, gaur egun 15 eta 19 urte bitarteko gazteen % 9k kontsumitu dute cannabisa azken hilabetean; 2008an, berriz, % 20 ziren. 20-24 urte bitartekoen artean beherakada are nabarmenagoa da: azken hilabetean kontsumitu dutenen ehunekoa % 10 ingurukoa da gaur egun, 2008ko % 30aren aldean.
Antzeko joera dago 25-29 urtekoen artean ere: azken hilabetean kontsumitu dutela dioten gazteen portzentajea % 24tik % 10era jaitsi da.
Zure interesekoa izan daiteke
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizon bat hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen ardura izan dezake.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.