Biztanleen % 44k baino ez dute uste cannabisa osasunerako arriskutsua dela; tabakoaren kasuan, berriz, % 96k
Cannabisaren arriskuaren pertzepzioa aztertutako drogen artean apalena da, EITB Datak jaso duenez. Pertzepzio apala izatearekin prebalentziarekin lotuta egon daiteke, eta talka egiten du intoxikazioengatiko larrialdietako datuekin.
Cannabisa da euskal gizartean osasunerako arriskuaren pertzepziorik txikiena duen drogetako bat. EITB Datak bildutako datuen arabera, herritarren % 44k uste dute cannabisaren kontsumoak “osasunerako arazo asko edo nahiko” eragiten dituela. Tabakoaren kasuan, aldiz, % 96k uste dute “nahiko edo arazo asko” sor ditzakeela.
Hala, aztertutako drogen artean, cannabisa da arriskuaren pertzepziorik txikiena duena; tabakoa, berriz, handiena. Ondoren, kokaina agertzen da (% 80k uste dute “nahiko edo arazo asko” sor ditzakeela).
Kanpainak eta cannabisa
EITB Dataren azken txostenak dio “tabakoaren inguruko kontzientziazio kanpainek eta zigarroen kontsumoarekiko estigma sozialak" eragina izan dutela herritarren pertzepzioan. “Beste substantzia batzuen kasuan, ordea, kanpainek ez dute intentsitate bera izan edo ez dira hain eraginkorrak izan”, jaso du.
Azterlanak nabarmendu du, halaber, arriskuaren pertzepzio txikiagoa izatea lotuta egon daitekeela cannabisaren prebalentziarekin euskal gizartean.
Eragina eguneroko bizitzan
EITB Dataren arabera, cannabisaren noizbehinkako kontsumitzaileen % 58k —azken 12 hilabeteetan gutxienez behin kontsumitu dutenek— kontsumo kontrolatua dute, eta horrek ez du eragin nabarmenik egunerokoan.
Horren aurrean, aldiz, % 14k mendekotasun handia garatu dute. Horrez gain, % 22 inguru “arriskuko kontsumitzaileak” dira, eta alerta seinaleak dituzte, baina “kontrola galdu” gabe. Azkenik, % 7k “menpekotasun moderatua” izan dezakete, eta memorian, harremanetan edo errendimenduan ondorio negatiboak pairatu.
Bestalde, cannabisare arriskutsua den pertzepzioa apala izateak kontraste handia du intoxikazioengatiko larrialdietako Euskadiko datuekin. 2003tik hona, legez kanpoko drogen kontsumoak eragindako larrialdien % 34 cannabisak eragin ditu, eta % 28, benzodiazepinek. Estatistika honetan, alabaina, ez dira sartu alkoholaren gehiegizko kontsumoagatik egindako ospitaleratzeak.
Cannabisaren kontsumoagatik larrialdietara jotzen dutenek, oro har, honako sintomak izaten dituzte: takikardiak, arnasteko zailtasunak, kontzientzia-nahasmenduak, psikosi akutua, antsietatea, paniko krisiak eta, kasu larrienetan, koma.
Larrialdietako datuak
Gainera, cannabisa da paziente bakoitzeko batez beste ospitaleratze-egun gehien eragiten dituen bigarren droga, benzodiazepinen atzetik.
Azken bi hamarkadetan, batez beste, pazienteko 13,4 eguneko ospitaleratzeak eragin ditu.
Azkenik, desintoxikazio tratamenduei dagokienez, cannabisa da ospitaleratze gehien eragiten duen bigarren droga, kokainaren ondoren.
Zure interesekoa izan daiteke
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.
Bi atxilotu Bilbon, gazte bat jipoitu eta konorterik gabe uzteagatik
Erasoa 03:30ean gertatu da, Mazarredo kaleko gaueko aisialdirako lokal baten kanpoaldean. Anbulantzia batek Basurtuko ospitalera eraman du biktima, eta buruan hainbat puntu eman behar izan dizkiote.
Bi gazte atxilotu dituzte eta hiru agente zauritu dira Etxebarriko jaietan izandako liskarretan
Bart izan dira istiluak, San Antonioko jaietan. Udaltzainek gazte bat atxilotu dute, eta jendetza batu da agenteei eraso egin nahian. Hori dela eta, Ertzaintzari laguntza eskatu die Udaltzaingoak. Ertzainak bertaratu direnean, kristalezko botilak jaurti dizkiete eta agenteetako bat zauritu dute. Bi udaltzain ere erasotuak izan dira.