Bizkaiko Foru Berriari buruzko erakusketa Bilbon, euskal autogobernuaren giltzarri historikoa gogora ekartzeko
Bilboko erakusketak eta beste erakusketa ibiltari batek euskal autogobernuan giltzarri den 1526ko dokumentuaren ondarea aurkeztuko dute.
Bizkaiko Foru Berria 500 urte betetzear dela, erakusketa-programa baten ardatz bihurtu da, herritarrei euskal autogobernuaren oinarri historikoak hurbiltzeko helburuarekin.
1526an Bizkaiko Batzar Nagusiek onartu eta Karlos I.ak berretsi ondoren, Foru Berriak lurraldeko zuzenbide propioa eguneratu zuen, eta itunean, tokiko askatasunetan eta ordenamendu juridiko propioan oinarritutako sistema instituzionala sendotu zuen. Bere garaian aurrerakoi gisa jo zen testuak ondorengo garapenean eragin handia izan zuten printzipioak jaso zituen, hala nola berme juridikoak, merkataritza-askatasuna eta kontrol instituzionalerako mekanismoak.
Urteurrena dela eta, Bizkaiko Foru Aldundiak eta Batzar Nagusiek bi erakusketa osagarri jarri dituzte martxan. Lehenengoa Bilboko Foru Liburutegian dago ikusgai, eta jatorrizko dokumentuak eta Foruaren hainbat edizio historiko biltzen ditu.
Bigarren erakusketa, dibulgaziokoa, Bilboko Kale Nagusian ezarri da eta datozen hilabeteetan Balmaseda, Bermeo, Portugalete eta Galdakao bisitatuko ditu. Paneletan egituratu da erakusketa, eta Bizkaiko autogobernuaren bilakaera eta Foruaren garrantzia azaltzen ditu gaur egungo sistema instituzionalaren oinarri gisa.
Oro har, programak Foru Berriak euskal autogobernuaren historian izan duen funtsezko zeregina azpimarratzen du, eta gaur egun ere erreferente instituzional gisa duen balioa nabarmentzen du.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".