Ohartarazi dute bankuetako bezeroei SMS eta WhatsApp bidez iruzur egiteko kanpaina bat dagoela, batez ere, Gipuzkoan
Segurtasun Sailak herritarrei gogorarazi die bankuek ez dituztela datu pribatuak eskatzen telefonoz eta mezu bidez, aldez aurretik bezeroaren identitatea egiaztatu gabe.
Artxiboko irudia. Argazkia: Europa Press
Ertzaintzak ohartarazi du bankuetako bezeroei SMS eta WhatsApp bidez iruzur egiteko "kanpaina masibo bat" dagoela, batez ere, Gipuzkoan. Urtea hasi zenetik, dozenaka salaketa jaso dituzte.
Eusko Jaurlaritzako Segurtasun Sailak ohar batean jakinarazi du zertan datzan iruzurra. Aurrena, biktimak SMS mezua jasotzen du, eta, itxura batean, igorlea Alcampo ONEY edo Alcampo DUA ONEY kreditu-txartelari dagokion zenbaki bat da. Mezuan, biktimari bere kontuko diru mugimendu baten berri ematen zaio; kopuru handia izan ohi da eta operazioa blokeatzeko jarraibideak eskaintzen zaizkio, telefono zenbaki batera deitzeko eskatuta.
Komunikatuaren arabera, esandako telefono zenbakian ez du erantzunik jasotzen biktimak, baina berehala bideo-dei bat jasotzen du WhatsApp bidez, zenbaki ezezagun batetik. Dei horretan, pertsona bat bankuaren ordezkari gisa aurkezten da, eta hainbat datu eskatzen dizkio biktimari: NAN zenbakia, txartelaren PIN kodea edota txartelaren zenbakia. Zenbait kasutan, NFC aplikazio bat deskargatzeko eta kreditu-txartela irakurgailuaren azpian jartzeko ere eskatzen da, datu trukea lehenbailehen egiteko.
Segurtasun Sailak herritarrei gogorarazi die bankuek ez dituztela datu pribatuak eskatzen telefonoz eta mezu bidez, aldez aurretik bezeroaren identitatea egiaztatu gabe.
Zure interesekoa izan daiteke
EAEko 800 pazientek onartu dute ebakuntza itunpeko zentro batean egitea
Eusko Jaurlaritzak gutun bat igorri dio formalki Osasun Ministerioari, estatutu propio baterako eskumenen transferentzia aztertzeko bilera bat eskatzeko: “Ministerioak ez badu ezer egiten, eskumenen transferentziaren bidea aztertzeko eskatzen dugu, herritarren osasun-arreta defendatzeko beharrezkoak diren funtzioak erabat bete ahal izateko”.
Igorreko errugbi taldeko presidentea atxilotu dute, ordaindu ez duten Gabonetako loteriaren harira
Administrazio desleialaren delitu bat eta iruzur delitu bat leporatu dizkiote. Izan ere, Arratiko Zekorrak Rugby Taldeak 90693 zenbakiaren hainbat dezimo erosi zituen Gabonetako loterian jokatzeko, eta hirugarren sari bat egokitu zitzaion, baina klubak ez du diru nahikorik saria ordaintzeko, erositakoa baino gehiago saldu baitzuen partizipaziotan "akats baten ondorioz".
Maialen Mazonen familiaren abokatuak ebazpenaren balorazio"gazi-gozoa" egin du, epaimahaiak ez duelako onartu genero indarkeriaren astungarria
Maialen Mazonen hilketaren auziko epaimahaiak emandako ebazpenaren balorazioa egin du haren familiaren abokatuak. Virginia Urtaran abokatuak penaz hartu du epaimahaiak genero indarkeria astungarritzat hartu ez izana.
Prestaketak martxan Bilbon, maiatzaren 22-23ko asteburuan Europako errugbiko finalak hartzeko
Eusko Jaurlaritzak, Bizkaiko Foru Aldundiak eta Bilboko Udalak, kirol-ekitaldi hau bultzatu duten hiru erakundeek, ostiral honetan eman dute mugikortasun eta segurtasun operatiboaren berri.
Pertsona bat larri zauritu da Errekaleorren, okupazio saiakera baten ondorioz
Errekaleor Auzo Askea kolektiboak salatu duenez, dozenaka pertsona sartu ziren goizaldean auzora, makilekin, burdinekin eta harriekin eta hainbat etxebizitzari eraso egin zieten. Pertsona batzuk zauritu ziren, horietako bat larri, garezurra hautsita.
Aiaran 10.500 plakako eguzki-parke bat egiteko baimena eman du Jaurlaritzak
Aiarako Udala ez dago ados 10.500 modulu eta lurrazpiko ebakuazio-linea instalatzea aurreikusten duen parke hori eraikitzearekin. Enpresak 4,1 milioi euroko inbertsioa egingo omen du bertan.
Glutena izan dezaketela ez zenekien 10 produktu (batzuek harritu egingo zaituzte)
Zeliakoa bazara eta glutenik kontsumitu ezin baduzu, kontuz ibili glutena izan dezaketen eta egunero erabiltzen diren 10 produktuekin. EZE Euskadiko Zeliakoen Elkarteak zerrenda egiten lagundu digu, larunbatean (maiatzak 16) Zeliakiaren Nazioarteko Eguna dela eta.
Gorabeherak errepideetan, euriak eta ur putzuek baldintzatuta
Luizi bat gertatu da BI-631 errepidean, Bermeon, eta errei bat itxi dute. Bien bitartean, semaforoa jarri dute bidea txandaka emateko.
Albiste izango dira: Epaimahaiak errudun jo du Maialen Mazon hiltzeaz akusatutako gizona, Tubos Reunidoseko asanblada, abisu horia euriagatik eta krisia Nafarroako Gobernuan
Gaurkoan Orain-en albiste izango direnen laburpena, bi hitzetan.
Herri epaimahaiak errudun jo du Maialen Mazon hiltzeaz akusatutako gizonezkoa
Ebazpenean, ez dira frogatutzat eman defentsak aringarri gisa aurkeztutako argudioak. Hau da, hilketaren unean akusatua alkoholaren eraginpean zegoela edota buru nahasmendua izan zuela ezin dira frogatutzat eman, epaimahaiaren arabera.