Mangoren sortzailearen semea aske utzi dute milioi bateko fidantza ordaindu ostean
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen. Haren semea dago orain ikerketapean, ustezko hiltzaile gisa.
Isak Andic, Mangoren sortzailea. EITB
Esquadra Mossoek Jonathan Andic atxilotu dute astearte honetan, Isak Andic Mangoren sortzailearen semea, enpresaburuaren heriotzarekin zerikusia duelakoan. 2024ko abenduaren 14an hil zen enpresaburua, Montserrat inguruan semearekin paseatzen ari zela, amildegitik behera erorita. Hala ere, atxilotu eta gutxira aske utzi dute, baldintzapean, epaileak ezarritako milioi bat euroko findantza ordainduta.
Ezbeharrak arrabots handia eragin zuen, bai arlo ekonomikoan, baita sozialean ere, oso ezaguna baitzen. Hasiera batean istripua izan zela ondorioztatu zuen epaileak eta auzia behin-behinean artxibatu zuen; baina zantzu berriak agertu zirenez, instrukzio-epaileak kasua berriz zabaltzea erabaki zuen.
Jonathan Andic semea zen ezbeharraren unean aitarekin zegoen bakarra, eta Martorellgo (Bartzelona) Instrukzioko 5 zenbakiko Epaitegian deklaratu du, gertakariak argitzeko irekitako eginbideen barruan.
Ikertu gisa deklaratu ondoren, epaitegiko titularrak milioi bat euroko fidantza ezarri dio, eta atxilotuari pasaportea kentzea erabaki du, herrialdetik ateratzeko debekuarekin eta astero justiziaren aurrean agertzeko betebeharrarekin.
Kasua berriz zabaltzea
Lehen ikerketak istripua izan zela behin-behinean ondorioztatu bazuen ere, zalantza asko zeuden auziaren inguruan, eta berriz ere zabaltzeko hautua hartu zuen epaileak.
Argitaratutako informazioen arabera, Jonathan Andic semea zen gertatutakoaren lekuko bakarra. Esquadra Mossoek kontraesanak antzeman zituzten enpresaburuaren semearen adierazpen batzuen eta istripuaren tokian egin ziren ikuskapenaren artean.
Telefono mugikorra ere miatu zuten, eta lekuko batzuei deklarazioa hartu. Horren guztiaren ondorioz, Martorellgo epaitegiak auzia berriro irekitzea erabaki zuen, heriotzaren nondik norakoak erabat argitzeko.
Ikerketa, hortaz, fase berri batean sartu da, eta gertatutakoari buruzko hipotesiak zabalik daude.
Zure interesekoa izan daiteke
Leon XIV.a aita santua sexu-abusuen biktimekin bilduko da Espainian
Vatikanoak ez du topaketari buruzko xehetasun gehiagorik eman. Aita santuak Madril, Bartzelona, Kanaria Handia eta Tenerife bisitatuko ditu bihartik ekainaren 12ra bitartean.
10 urte geroago, sokamuturrak itzuliko dira Eibarko Untzaga plazara
40 bat elkartek atzerapausoa dela salatu dute, eta elkarretaratzea deitu dute ekainaren 16rako. Herritarren artean, aldeko eta kontrako iritziak daude.
Azken agurra eman diete Iruñean Elgoibarko istripuan hildako bost foruzainei
Maria Chivite presidentea buru, jende andana joan da Iruñeko katedralera, Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont agenteei azken agurra eman eta haien senideak babestera.
Xenpelar auzian Udalak izandako jokabidea berretsi du Errenteriako alkateak Fiskaltzaren aurrean
Aizpea Otaegik agerraldia egin du Adingabeen Fiskaltzaren aurrean, Xenpelar auziaren harira, eta Udalak balizko genero-indarkeria kasuen aurrean egindako kudeaketa babestu du. Azpimarratu duenez, beharrezkoa da lanean jarraitzea biktimak babestu eta antzeko egoerak saihesteko.
Konpondu dira A-8 autobideko zirkulazioa zaildu duten auto-ilarak
Arratsalde korapilatsua izan da A-8 autobidean, Kantabriarako noranzkoan, lau istripu gertatu baitira bideko hainbat puntutan. Trafikoa normaltasunera itzuli da arratsalde erdian, 18:20 aldera.
Errugabe jo ditu epaileak Zestoako gizon baten integritate moralaren kontrako delituengatik epaitutako seiak
Abenduan egin zen epaiketa. Gizonezko batek osotasun moralaren aurkako delitua leporatu zien bikotekide ohiari eta beste bost herritarri, eta espetxe zigorra eta isunak eskatu zituen. Akusatuetako lau neskaren lagunak dira, eta bostgarrena, egun Zestoako alkate den Mikel Arregi. Epaileak absolbitu egin ditu guztiak.
Bilbok minbiziaren aurkako bigarren martxa hartuko du ekainaren 14an
Antolatzaileek espero dute 2.500 pertsona baino gehiago batzea hitzordu solidario horretan. Bizi-ohitura osasungarriak sustatzea izango du helburu, eta minbiziaren prebentzioaren eta ikerketaren garrantziaz kontzientziatzea, bereziki gizonezkoak.
Konponduta daude Lasarte-Orian eta Abanton izandako trafiko eragozpenak
Ostiral goizeko lehen ordua konplikatua izan da euskal errepide sareko puntu askotan, istripuak izan baitira han eta hemen, baina egoera bere onera itzuli da jada denean.
Emakume bat atxilotu eta bi ikerketapean dituzte Gipuzkoan adinekoei bitxiak lapurtu eta 11.000 euro baino gehiagoren truke saltzeagatik
Atxilotutako emakumeak zaintzaile gisa egiten zuen lan adinekoen egoitzetan eta etxebizitzetan, eta bertan lapurtzen omen zituen bitxiak. Ertzaintzak pieza ugari berreskuratu ditu Azpeitian egindako miaketa batean.
Debekuaren aurrean, "haurrei udaldi polit eta lasai bat" eskaintzeko "lanean" ari dela esan du Euskal Udalekuak elkarteak
Elkarteak mezua bidali die udaldia Bernedoko udalekuetan igarotzeko eskaera egin duten 200 familiei, eta azaldu die "abokatuarekin lanean" ari direla haur eta familientzako "aukera eta alternatiba egokienak diseinatzeko". Arabako Foru Aldundiak debekua ezarri ostean Instagram sare sozialean elkarteak duen profilean mezua partekatu du, "triste eta kezkatuta" daudela esanez eta salatuz "legezko betekizun guztiak bete arren" ukatu diotela Dorrekoa elkarteari udalekuak antolatzeko aukera.