Palestinan gertatzen ari dena gaitzetsi, eta Loiun ekintzaileekin gertatutakoa salatu dute Iruñean
Global Sumud Flotillako Arantxa Paniaguak adierazi duenez, Bilbon gertatutakoak ez ditu geldiaraziko, "are gehiago, aurrera jarraitzeko eta behar den guztietan nahikoa, nahikoa eta nahikoa dela esateko bultzada izango da".
Dozenaka lagunek elkarretaratzea egin dute larunbat honetan Iruñean, Israelen esku dauden preso palestinarren egoera eta herrialde horrek Global Sumud ontzidi solidarioari egindako erasoa gaitzesteko. Protesta horrekin batera, Ertzaintzak Bilboko aireportura heltzean ekintzaileei emateko tratua ere salatu dute.
Iruñeko Errekoleten plazan, "Stop genozidioa eta blokeoa, defenda dezagun Global Summund flotilla. Desobedientzia aurrera!" leloa zeraman pankarta utzi dute lurrean, eta hainbat lagunek performancea egin dute begiak bendaz estalita eta eskuak bizkarrean lotuta, belauniko eta kopeta lurra ukituz jarriz, soldadu israeldarrek egunotan atxilotutako ekintzaileak zigortu dituzten eran.
Kazetarien aurrean egindako adierazpenetan, Global Sumud Flotillako Arantxa Paniaguak Bilboko aireportuan larunbat honetan izandako istiluak salatu ditu.
"Sinestezina da", esan du Paniaguak, eta gertatutakoa ez zuela ulertzen gaineratu du, "Israelen tratu txarrak jaso ondoren, hona iritsi eta jo egin dituzte berriro". Gainera, zenbait kasutan, "saihetsak hautsita eta traumatismo kraneoentzefalikoa dute, han emandako kolpeen ondorioz".
"Ez dut hitzik gertatu denaren aurrean. Baina hau ezin da hemen geratu. Aurrera egin behar da, genozidioak aurrera jarraitzen duelako. Atzo bertan lau mediku hil zituzten eta Zisjordanian genozidioak aurrera jarraitzen du. Jakina traba egiten dugula, baina hor jarraituko dugu Global Sumud eta nazioarteko Global guztiek ", oharatarazi du.
Bilbon gertatutakoaren ondoren ez dutela atzera egingo ere esann du "Are gehiago, aurrera jarraitzeko eta nahikoa dela, nahikoa dela eta nahikoa dela esateko bultzada izango da", gaineratu du.
Zure interesekoa izan daiteke
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.
Uda beteko tenperaturak astea hasteko : gaur 30 graduak gaindituko dira aste erdian udazken giroari bide eman aurretik
Nafarroako hainbat tokitan, Iruñean eta Erriberan kasu, termometroak 35 graduraino iritsiko dira gaur. Bihar goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera.
Normandiako Lehorreratzetik Markinara: Abelek Bigarren Mundu Gerrako kamioneta bat du egurra garraiatzeko
Bigarren Mundu Gerrako kamioneta bat dabil Markina-Xemeingo mendietan. Abel Ibarluzea jabeak egurra garraiatzeko eta beste baserriko beste zenbait lanetarako erabiltzen du. Garai batean, Euskal Herrian ohikoa zen AEBko armadaren gerra-ibilgailu hauek ikustea. Gaur egun, Abelena da geratzen den bakarrenetako bat.
Gizon bat hil da Oiartzungo AP-8ko zerbitzugunean izandako zirkulazio istripu batean
61 urteko gizonak furgonetarekin izan zuen istripua atzo gauean, zerbitzugune baten barruan.