Bagera Elkarteak botako du Piraten txupinazoa abuztuaren 8an, euskara aldarri hartuta
Donostiako Piratek aurtengo jaietako egitaraua aurkeztu dute; abuztuaren 8an lehertuko da jaia Flamenkan, eta, besteak beste, Mirua, Anari, Neomak, Tapia eta Leturia eta Skabidean taldeen musikaz gozatu ahal izango da. Abuztuaren 10ean, astelehena, egingo da Piraten Abordatzea.
Donostiako Piratek aurtengo Aste Nagusi Piratako egitaraua aurkeztu dute asteazken honetan. Euskarak bizi duen oldarraldiaren aurrean, hizkuntzaren defentsa jaiaren erdigunean jartzeko asmoz, abuztuaren 8an Flamenkan lehertuko den jaiaren txupinazo nagusia Bagera Donostiako Euskaltzaleen Elkartearen esku egongo da, euskalgintzari eta herri mugimenduari aitortza eginez. Aurten 35 urte betetzen ditu elkarteak.
Agerraldian, Maider Herreros bozeramaileak esan du “Bagerak hiru hamarkada baino gehiago” daramatzala Donostian euskara indartzen. Hala, eta euskarak bizi duen oldarraldi judizialaren aurrean, Herrerosek nabarmendu du “inoiz baino beharrezkoagoa" dela "euskaltzaleok antolatzea eta elkarrekin saretzea”.
Abordatzea eta 17 kontzertu doan, Flamenkan
Musika eskaintza izango da berriro ere Flamenka gunearen bihotza, adin eta gustu guztietarako doako 17 kontzerturekin. Gainera, abuztuaren 10ean (astelehena) jaien ekitaldirik jendetsuena eta ikusgarriena bueltatuko da: Donostiako badia kolorez eta ontziz beteko duen Piraten Ababordatzea.
Kontzertzuen egitaraua
Abuztuak 8 (Larunbata): Lehian! Erromeria taldeak rock doinuekin zabalduko du festa gunea.
Abuztuak 9 (Igandea): Anari, Altxa Lili (kabaret eta queer ikuskizuna) eta Ezezez taldearen rock alternatibo eta post-punka.
Abuztuak 10 (Astelehena): Tradizioa eta festa Tapia eta Leturia eta Xiberoots taldeekin; gaua Brava DJak itxiko du.
Abuztuak 11 (Asteartea): Svetlana, Aimar Z eta Siwanaba.
Abuztuak 12 (Asteazkena): Bele (Lide Hernandoren pop eta soul proiektua) eta zazpi trikitilariz osatutako Neomak talde indartsua.
Abuztuak 13 (Osteguna): Rock gau gogorra eta gitarrazalea Maruriko Sua eta Zestoako Ezpalak taldeekin
Abuztuak 14 (Ostirala): Ska, reggae eta rocksteady erritmo biziak, Skabidean nafarren eskutik.
Abuztuak 15 (Larunbata): Aste Nagusi Pirataren azken eguna Mirua hirukoteak uztartutako pop elektronikoarekin eta Kiliki (Chill Mafiako kide ohia) artistaren erritmo urbanoekin itxiko dute.
Coca-Colari boikota eta erasoen aurkako elkarretaratzea
Palestina babesteko konpromisoan, Coca-Cola enpresari boikota egingo diotela iragarri dute Piratek, eta ez dute konpainia horren produkturik salduko txosnetan.
Bestalde, eraso sexisten aurkako borrokan indarrak jartzen jarraituko dute eta abuztuaren 15ean, 19:30ean, elkarretaratzea egingo dute, erasoen aurkako jarrera irmoa erakusteko.
Zure interesekoa izan daiteke
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.