Renfek aldaketak egingo ditu Gipuzkoako tren-zerbitzuan uztailaren 25etik aurrera

Renferen Gipuzkoako trenbide sarean egiten ari diren lanek tren-zerbitzuan aldaketak eragingo dituzte uztailaren 25etik urriaren 18ra. Ohiko trenbide sarea Euskal Yarekin lotzeko lanek Aldirietako, Distantzia Ertaineko eta Distantzia Luzeko joan-etorrietan izango dira eraginak.

Hauek dira iragarritako aldaketak:

Aldiriko trenak:

• Uztailaren 25ean eta 26an, Donostiako aldiriko trenak Hernani eta Beasain artean bakarrik ibiliko dira, bi noranzkoetan. Gainerako ibilbidea errepidez egingo da: autobus-zerbitzua egongo da Irun eta Hernani artean eta Beasain eta Brinkola artean. 

• Uztailaren 25etik urriaren 18ra bitartean, tren-zerbitzua etenda egongo da Irun eta Hernani artean. Epe horretan, autobus-zerbitzua jarriko du Renfek bi udalerri horietako tren-geltokien artean. Hernanin, Donostian, Grosen, Ategorrietan, Intxaurrondon, Herreran, Pasaian, Lezo-Errenterian, Irungo Bentak parean eta Irunen egingo ditu geldialdiak. 

• Irailaren 7tik urriaren 16ra arte, Irun eta Brinkola arteko tren-zerbitzua 04:30etik 17:30era bitartean egongo da. Ordutegi horretatik kanpo, autobus-zerbitzua eta tren-zerbitzua bateraturako dira.

Distantzia ertaineko trenak:

• Irun eta Andoain arteko zerbitzua autobusez egingo da uztailaren 27tik abuztuaren 14ra, abuztuaren 20tik 28ra eta irailaren 3tik urriaren 18ra.

• Araia eta Irun artean zerbitzua autobusez eskainiko da uztailaren 25etik 26ra, abuztuaren 15etik 19ra eta abuztuaren 29tik irailaren 2ra.

Distantzia luzeko trenak:

• Gipuzkoa eta Madril lotzen dituzten trenek errepidez egingo dute Irun eta Tolosa arteko zatia eta Irun eta Gasteiz artekoa, bi noranzkoetan, uztailaren 25etik urriaren 19ra. Donostian, Tolosan edo Zumarragan egingo dituzte geldialdiak autobusek, lanen arabera. 

• Donostia eta Bartzelona lortzen dituzten trenek errepidez egingo dute Donostia eta Tolosa arteko bidea, lanen arabera. 

• Autobus-zerbitzuek eragina izan dezakete trenen ordutegietan.