Sexu-erasoak egitea egotzita atxilotu dituzten bi begiraleak behin-behinean espetxean sartzea eskatu du Baionako Fiskaltzak
Auzi judiziala irekita, sexu-erasoa eta adingabeak galbidean jartzea egotzi die Fiskaltzak bi akusatuei. 3 eta 4 urte arteko 16 haur daude tartean, eta horietatik 12 dagoeneko biktima gisa identifikatuta daude. Lau familiak salaketa aurkeztu dute polizia-etxean.
Biarrizko aisialdi-zentro honetan jazo ziren sexu-erasoak. Argazkia: Orain
Baionako Fiskaltzak instrukzio-bidea ireki du Biarrizko Mouriscot aisialdi-zentroko bi begiraleren aurka, sexu-erasoa egitea eta adingabeak galbidean jartzea egotzita. Fiskaltzak berak zabaldutako ohar baten arabera, bi susmagarriak behin-behinean kartzelatzeko eskatu du Ministerio Publikoak.
Biarrizko polizia-etxeak bere gain hartu du ikerketa joan den uztailaren 12an, hiru urte eta erdiko haur baten gurasoek salaketa jarri ondoren. Biktimak kontatu zuen udal instalazioan eraso egin ziotela.
Zenbat biktima identifikatu dituzte?
Hiru eta lau urte arteko 16 haur daude tartean, eta horietatik 12 dagoeneko biktima gisa identifikatu dituzte.
Fiskaltzaren oharrak dakar, bestalde, sexu-erasorik salatu ez duten gainerako adingabe batzuek "trauma-zantzuak" dituztela; beraz, litekeena da biktima kopurua handitzea.
Momentuz, lau familiak jarri dute salaketa polizia-etxean.
Susmagarriek ez dute aurrekari penalik
Ikertutako gertakariak 2025eko uztailaren 1etik 2026ko uztailaren 16ra bitartean jazo omen ziren, egonaldirik gabeko Mouriscot aisialdi-zentroan.
Susmagarriak 21 urteko langile bat (2025etik zentroari lotua) eta 36 urteko begirale finko bat (bi urte zeramatzan) dira. Ez zuten aurrekari penalik. Bi gizonak uztailaren 21ean atxilotu zituzten, etxean, eta egozten zaizkien akusazioak ukatu egin dituzte.
Biarrizko Udalak kargutik kendu zituen bi langileak, zuhurtziaz, ikerketaren berri izan bezain pronto.
Zure interesekoa izan daiteke
Gasteizko Udalak indarkeria matxista prebenitzeko kanpaina indartu du jaieitarako
Eraso matxisten aurkako informazioa eta arreta emateko puntu morea Farola Handiaren aurrean jarriko da uztailaren 24an eta 25ean, eta Andre Maria Zuriaren jaietan, Foruen plazan.
7.000 eurorainoko isunak, Lamiakoko itsasadarpeko tunelaren aurkako protesta egiteagatik
Subflubiala Ez!' plataformak azken hilabeteko bigarren zigor tanda salatu du, eta dagoeneko 11 pertsona dira zigortutakoak.
Suteen kontrako borrokak ez du etenik, eta egoera zailenak Gaztela eta Leonen eta Gaztela-Mantxan daude uneotan
Sute ugari daude aktibo gaur Espainian, eta horietik bost dira garrantzitsuenak une honetan: Guadalajarako La Mierlako eta Selasko suteak, Madrilgo Erkidegoari ere eragiten dion Toledoko Almoroxeko sua, Leongo Castropodamekoa eta Avilako Borgohondoko suteak. Beste sute batzuek, hala nola Segoviako Brievakoak eta Teruelgo Ejulvekoak, hobera egin dute.
Kamioi-matxura batek auto-ilara luzeak eragin ditu AP-8an, Mendaron
Auto-ilarak lau kilometrokoak izatera iritsi dira, goizeko lehen orduan gertatutako matxuraren ondorioz errei bat itxi behar izan baitute. 10:30ak pasata, kamioia errepidetik kendu eta zirkulazioa bere onera itzuli da.
Marihuana-plantazio handi bat desegin dute Fruizko baserri batean
Bi gizon atxilotu dituzte operazioan, eta 1.600 marihuana landare baino gehiago eta 8,5 kilo haxix konfiskatu dituzte.
Alonsotegiko eta Erandioko baso-suteetan berriro esku hartu behar izan dute suhiltzaileek
Ostegun goizaldean suhiltzaileak bi herrietara itzuli dira asteazkenean hasi ziren bi suteetan esku hartzeko, batez ere, ingurua hoztu eta zaintze lanak egiteko.
Auto-pilaketak AP-8an, Mendaron, kamioi baten matxurak eraginda
Goizeko lehen orduan matxuratu da kamioia, eta, ondorioz, errei bat itxi behar izan dute. Auto-ilarak 4 kilometrorainokoak izan dira.
Duela 8 eta 9 urte desagertutako gizon eta emakume banaren autoak aurkitu dituzte Aturri ibaian, haien gorpuekin
Desagertutakoak bilatzen espezializatutako GKE bateko AEBko urpekariek autoa aurkitu dute Aturri ibaian, Baionatik gertu. Haren jabearen arrastoa 2018an galdu zen. Miaketa-lanetan ari zirela, beste bi ibilgailu aurkitu dituzte urpean, eta barruan desagertutako emakume baten gorpuzkiak aurkitu dituzte.
Hiru sutek arazoak sortu dituzte Erandion, Alonsotegin eta Gueñesen
15:00 aldera Makro dendaren ondoan piztutako baso-sute batek ke handia eragin du Erandion. Alonsotegiko hirigunetik oso gertu, obra batean langile batzuen tresnek eragindako txinparta batetik hasi da sutea. Gueñesen, berriz, sutea 14:30ean hasi da zelai batean eta azkar zabaldu da baserrietara.