Suteen kontrako borrokak ez du etenik, eta Gaztela eta Leonen eta Gaztela-Mantxan dago latzena
Sute ugari daude aktibo gaur Espainian, eta horietik bost dira larrienak une honetan: Guadalajarako La Mierlako eta Selasko suteak, Madrilgo Erkidegoari ere eragiten dion Toledoko Almoroxeko sua, Leongo Castropodamekoa eta Avilako Borgohondoko suteak. Beste sute batzuek, hala nola Segoviako Brievakoak eta Teruelgo Ejulvekoak, hobera egin dute.
Larrialdi Unitate Militarreko suhiltzaileak, Selasko sutean. Argazkia: EFE.
Suteek 108.000 hektarea erre dituzte dagoeneko Espainiako Estatuan, 2025eko garai berean kiskalitako azalera halako lau, Sara Aagesen Trantsizio Ekologikoaren eta Erronka Demografikoaren ministroak ostegun honetan emandako datuen arabera.
Ostegun honetan sute ugari daude aktibo, eta bostek eragiten dute kezka gehien: Guadalajarako La Mierlako eta Selasko suteak, Madrilgo Erkidegoari ere eragiten dion Toledoko Almoroxeko sua, Leongo Castropodamekoa eta Avilako Borgohondoko suteak. Beste sute batzuek, hala nola Segoviako Brievakoak eta Teruelgo Ejulvekoak, hobera egin dute.
Gaztela-Mantxan, Guadalajaran, La Mierlako suak astebete darama jada aktibo, eta udako larriena da, momentuz, 32.000 hektarea kiskali ditu eta. Egonkortze-fasean jarraitzen du, eta joera onari eusten badio, bliteke hustutako hainbat eraikinetako bizilagunei etxera itzultzen uztea.
Guadalajaran bertan, Selas herrian piztutakoak gori jarraitzen du eta inguraturik daukate. Ebakuatutako bizilagun guztiak etxera itzuli ahal izan dira.
Asteazken arratsaldeko azken orduan Almoroxen Gaztela-Mantxan piztutako sute handia egonkortze bidean dago, eta une honetan gauez hustu dituzten herrietako bizilagunak itzuli ahal izan dira, Madrilgo Villa del Pradoko urbanizazio bat izan ezik.
Gaztela eta Leonen, Burgohondon (Avila) piztutako suteak 300 hektarea baso erre ditu, eta, tamainaz beste batzuk bezain handia ez bada ere, sugarrak hirigunetik gertu daude eta bertako 1.300 biztanleak ebakuatu behar izan dituzte. Larrialdiko Unitate Militarrak (UME) esku hartu behar izan du sua itzaltzeko lanetan laguntzeko.
Gaztela eta Leongo Castropodame udalerriko baso-sutera ere mobilizatu da Larrialdiko Unitate Militarra. Aktibo jarraitzen du 2. mailako suteak eta hiru herri ebakuatu dituzte prebentzioz.
Brievako (Segovia) suteak 3.000 hektarea baino gehiago kiskali ditu, baina hobera egin du eta etxetik ateratako bizilagunak itzuli ahal izan dira.
Egoera ona da Ejulven (Teruel) ere; izan ere, 1.400 hektarea inguru erre ondoren, larrialdia 1. egoera operatibora jaitsi da, ebakuatuak itzultzeko baimena eman da eta Larrialdiko Unitate Militarra erretiratzen hasi da.
Zure interesekoa izan daiteke
Abian da Euskal Encounter, eta 5.000 parte-hartzaile eta 4.000 ordenagailu baino gehiago bilduko ditu BECen
Gaurtik igandera bitartean, parte-hartzaileek 200 bat jarduera, tailer praktiko eta hainbat arlotako lehiaketaz gozatu ahal izango dute, sormenari, berrikuntzari eta dibulgazio zientifikoari eskainitako espazioetan. Aurten, arreta Adimen Artifizialean eta konputazio kuantikoan jarriko dute.
Gasteizko Udalak indarkeria matxista prebenitzeko kanpaina indartu du jaietarako
Eraso matxisten aurkako informazioa eta arreta emateko puntu morea Farola Handiaren aurrean jarriko da uztailaren 24an eta 25ean, eta Andre Maria Zuriaren jaietan, Foruen plazan.
7.000 eurorainoko isunak, Lamiakoko itsasadarpeko tunelaren aurkako protesta egiteagatik
Subflubiala Ez plataformak azken hilabeteko bigarren zehapen tanda salatu du. Dagoeneko 11 pertsona zigortu dituzte.
Kamioi-matxura batek auto-ilara luzeak eragin ditu AP-8an, Mendaron
Auto-ilarak lau kilometrokoak izatera iritsi dira, goizeko lehen orduan gertatutako matxuraren ondorioz errei bat itxi behar izan baitute. 10:30ak pasata, kamioia errepidetik kendu eta zirkulazioa bere onera itzuli da.
Marihuana-plantazio handi bat desegin dute Fruizko baserri batean
Bi gizon atxilotu dituzte operazioan, eta 1.600 marihuana landare baino gehiago eta 8,5 kilo haxix konfiskatu dituzte.
Sexu-erasoak egitea egotzita atxilotu dituzten bi begiraleak behin-behinean espetxean sartzea eskatu du Baionako Fiskaltzak
Auzi judiziala irekita, sexu-erasoa eta adingabeak galbidean jartzea egotzi die Fiskaltzak bi akusatuei. 3 eta 4 urte arteko 16 haur daude tartean, eta horietatik 12 dagoeneko biktima gisa identifikatuta daude. Lau familiak salaketa aurkeztu dute polizia-etxean.
Alonsotegiko eta Erandioko baso-suteetan berriro esku hartu behar izan dute suhiltzaileek
Ostegun goizaldean suhiltzaileak bi herrietara itzuli dira asteazkenean hasi ziren bi suteetan esku hartzeko, batez ere, ingurua hoztu eta zaintze lanak egiteko.
Auto-pilaketak AP-8an, Mendaron, kamioi baten matxurak eraginda
Goizeko lehen orduan matxuratu da kamioia, eta, ondorioz, errei bat itxi behar izan dute. Auto-ilarak 4 kilometrorainokoak izan dira.
Duela 8 eta 9 urte desagertutako gizon eta emakume banaren autoak aurkitu dituzte Aturri ibaian, haien gorpuekin
Desagertutakoak bilatzen espezializatutako GKE bateko AEBko urpekariek autoa aurkitu dute Aturri ibaian, Baionatik gertu. Haren jabearen arrastoa 2018an galdu zen. Miaketa-lanetan ari zirela, beste bi ibilgailu aurkitu dituzte urpean, eta barruan desagertutako emakume baten gorpuzkiak aurkitu dituzte.