016 zenbakira egindako deiak % 120,8 igo ziren, Espainiak Munduko Futbol Txapelketa irabazi ostean
Partida amaitu ondoren, igoera nabarmena nabaritzen hasi zen aurreko asteko egun eta ordu tarte berarekin alderatuta.
Emakumeen aurkako indarkeriaren biktimei laguntzeko telefonoak
Estatuan indarkeria matxistaren biktimak artatzen dituen 016 telefono zenbakira egindako deiak % 120,8 igo ziren Espainiako selekzioak Munduko Futbol Txapelketa irabazi ostean, Berdintasun Ministerioko iturriek jakitera eman dutenez.
Igoera hori igande gaueko 23:00etatik asteleheneko 07:00ak bitartean gertatu zen El País egunkariak zehaztu duenez.
Egun osoko datuak kontuan hartuta, uztailaren 19an partida hasi aurretik aurreko igandeetan baino dei gutxiago izan ziren. Partidaren ostean, ordea, nabarmen igotzen hasi zen kopurua. Astelehenean, egun osoko datuak kontuan hartuta, igoera % 21,9koa izan zen aurreko asteko astelehenarekin alderatuta.
Berdintasun Ministerioak eskaintzen dituen gainerako kanalei dagokienez, astelehenean, hilak 20, kontaktuak ugaritu egin ziren: posta elektronikoak % 1.000 egin zuen gora, online txatak % 60 eta Whastapp-ak % 8,75.
Aste honen hasieran bi krimen matxista gertatu dira Malagan eta Toledon. Guztira, 2026an, 31 dira Espainian genero-indarkeriaren ondorioz hildakoak. Zifra hori azken urteetakoa baino handiagoa da; 2025ean 22 krimen erregistratu ziren egun horietan. Datu okerrago bat aurkitzeko 2019ra atzera egin behar da; orduan, garai berean 37 krimen baieztatu ziren.
Espainian ez da inoiz futbola eta indarkeria matxista lotzen dituen ikerketarik egin. Erresuma Batuan, berriz, Etxeko Indarkeriaren Zentro Nazionalak 2018an argitaratu zuen txosten baten arabera, salaketak % 26 hazten ziren Ingalaterrako selekzioak partida bat jokatzen zuenean eta, partida galtzen bazuen, igoera % 38koa zen.
Tratu txarrak pairatzen badituzu edo kasuren baten berri baduzu, deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ezabatu egin behar da.
Zure interesekoa izan daiteke
Baldintzapean aske utzi ditu epaileak Biarritzen adingabeei sexu-erasoak egitea egotzita atxilotu zituzten bi begiraleak
Horietako bati sexu-erasoak egitea leporatzen dio, besteari, berriz, adin txikikoak galbidean jartzea. Fiskaltzak jakinarazi du ez diola epailearen erabakiari helegiterik jarriko, nahiz eta espetxeratzeko eskaera egina zuen. 3 eta 4 urte arteko 16 haur daude tartean.
Osakidetzak urrian instalatuko du Euskadiko Protonterapia Unitateko ekipamendua, eta 2028an artatuko ditu lehen pazienteak
Zehaztasun handiko teknologiari esker, tumoreak modu lokalizatuagoan tratatzeko eta ehun osasuntsuen gaineko kaltea murrizteko aukera ematen du. Horrela, euskal osasun-sistema Europako aurreratuenetako bat izango da onkologia erradioterapikoaren eremuan.
Abian da Euskal Encounter, eta 5.000 parte-hartzaile eta 4.000 ordenagailu baino gehiago bilduko ditu BECen
Gaurtik igandera bitartean, parte-hartzaileek 200 bat jarduera, tailer praktiko eta hainbat arlotako lehiaketaz gozatu ahal izango dute, sormenari, berrikuntzari eta dibulgazio zientifikoari eskainitako espazioetan. Aurten, arreta Adimen Artifizialean eta konputazio kuantikoan jarriko dute.
Gasteizko Udalak indarkeria matxista prebenitzeko kanpaina indartu du jaietarako
Eraso matxisten aurkako informazioa eta arreta emateko puntu morea Farola handiaren aurrean jarriko da uztailaren 24an eta 25ean, eta Andre Maria Zuriaren jaietan, Foruen plazan.
7.000 eurorainoko isunak, Lamiakoko itsasadarpeko tunelaren aurkako protesta egiteagatik
Subflubiala Ez plataformak azken hilabeteko bigarren zehapen tanda salatu du. Dagoeneko 11 pertsona zigortu dituzte.
Suteen kontrako borrokak ez du etenik, eta Gaztela eta Leonen eta Gaztela-Mantxan dago latzena
Sute ugari daude aktibo gaur Espainian, eta horietik bost dira larrienak une honetan: Guadalajarako La Mierlako eta Selasko suteak, Madrilgo Erkidegoari ere eragiten dion Toledoko Almoroxeko sua, Leongo Castropodamekoa eta Avilako Borgohondoko suteak. Beste sute batzuek, hala nola Segoviako Brievakoak eta Teruelgo Ejulvekoak, hobera egin dute.
Kamioi-matxura batek auto-ilara luzeak eragin ditu AP-8an, Mendaron
Auto-ilarak lau kilometrokoak izatera iritsi dira, goizeko lehen orduan gertatutako matxuraren ondorioz errei bat itxi behar izan baitute. 10:30ak pasata, kamioia errepidetik kendu eta zirkulazioa bere onera itzuli da.
Marihuana-plantazio handi bat desegin dute Fruizko baserri batean
Bi gizon atxilotu dituzte operazioan, eta 1.600 marihuana landare baino gehiago eta 8,5 kilo haxix konfiskatu dituzte.
Alonsotegiko eta Erandioko baso-suteetan berriro esku hartu behar izan dute suhiltzaileek
Ostegun goizaldean suhiltzaileak bi herrietara itzuli dira asteazkenean hasi ziren bi suteetan esku hartzeko, batez ere, ingurua hoztu eta zaintze lanak egiteko.