Bilboko Udalak gaitzetsi egin du Txurdinagan sorosle bati egindako erasoa, eta ohartarazi du "gizalege falta zigortu" egiten dela
Hainbat sindikatuk elkarretaratzea deitu dute astearte honetarako kiroldegiaren aurrean, eta salatu dute kirol-instalazioetako langileen kontrako erasoak gero eta ohikoagoak direla.
Itxaso Erroteta Bilboko Gazteria eta Kirol zinegotziak "irmoki" gaitzetsi du Txurdinagako udal kiroldegiko igerilekuetako sorosle batek ostegun honetan jasandako erasoa. Erabiltzaile talde bat langilearen zain egon zen instalazioen kanpoko aldean, eta eraso egin zion, sokorristak arreta deitu baitzien igerilekura sartu aurretik dutxarik ez hartzeagatik.
Errotetaren arabera, "bere lana egiteagatik" egin zioten eraso, Bilbao Kirolaken instalazioetan gizalegearen aurkako jarrera izateagatik erabiltzaile batzuk ohartarazi zituelako. Eta jakinarazi du, bestalde, "gizalege falta zigortu" egiten dela.
Horrelako jokabideak "ugarituz" doazela deitoratu ostean, Gazteria eta Kiroletako zinegotziak adierazi du gertakari horiek "zigorra" izango dutela, pertsona horiei "araudia aplikatuko baitzaie, txartela kenduz edo instalaziora sartzea debekatuz".
Halaber, Itxaso Errotetak adierazi du, "egoera horien hazkundearen ondorioz", Udalak segurtasun neurriak indartu dituela 2005etik, sorosle, laguntzaile eta segurtasun pribatuko langile gehiagorekin.
Egoera ikusaraztea
Ildo beretik, Emtesport enpresa emakidadunaren Enpresa Batzordean ordezkaritza duten ELA, LAB, ESK, CCOO eta UGT sindikatuek, "Bilbao Kirolaken udal kiroldegietan lan egiten duten langileek jasaten ari diren irain, mehatxu eta erasoak " salatu dituzte.
Testuinguru horretan, elkarretaratzea deitu dute astearte honetarako, uztailaren 28rako, 12:00etatik 13:00etara eta 18:00etatik 19:00etara, Txurdinagako kiroldegiaren aurrean, egoera ikusarazteko eta konponbideak eskatzeko.
Halaber, Emtesporti, Bilbao Kirolaki eta Bilboko Udalari "langileen segurtasuna bermatzeko eta eraso berriak prebenitzeko neurri irmoagoak berehala hartzeko" eskatu diete.
Izan ere, sindikatuen arabera, Emtesportek ez du "baliabide nahikorik" jartzen, eta erabakiak Bilbao Kirolaken esku uzten ditu. Azken horri, gainera, "jokabide mota horiek minimizatzea eta araudian aurreikusitako zigorrak murriztea" leporatzen diote. Horren ondorioz, "gertakari horiek errepikatzea" sustatzen da.
Erasoa pairatu zuen pertsona Basurtuko ospitalera eraman zuten, eta Ertzaintzak ostiral honetan jakinarazi duenez, oraingoz ez da gai horrekin lotutako salaketarik aurkeztu.
Zure interesekoa izan daiteke
Galarren piztutako sute batek kezka eragin du Iruñeko aireportuan eta trenbide-trafikoa moztu du
Agintariek premiazko eskaria egin diete herritarrei, sute horren berri emateko 112 zenbakira ez deitzeko, zerbitzuak gainezka egin ez dezan.
8 kilometrorainoko auto-ilarak AP-68an, Amurrion, Gasteizerako noranzkoan, bi ibilgailuk talka egin ostean
Hiru pertsona zauritu dira; horietako bi Gurutzetako Ospitalera eraman dituzte, eta hirugarren bat Galdakaokora.
Eklipse egunean kamioiei zirkulatzeko debekua altxatu eta mugak jarri ditu Eusko Jaurlaritzak
Segurtasun Sailak hasiera batean 24 orduko erabateko debekua aurreikusten zuen abuztuaren 12rako, baina murrizketa berria arratsaldeko ordu-tartera mugatuko da.
EHNEk elkarretaratzea egin du Donostian haragiaren sektorean hobekuntzak eskatzeko
Euskadiko abeltzainek elkarretaratzea egin dute gaur Eusko Jaurlaritzak Donostian duen ordezkaritzaren aurrean, haragiaren sektorearen egoera salatu, eta Eusko Jaurlaritzak eta Amaia Barredo Elikadura, Landa Garapen, Nekazaritza eta Arrantza sailburuak "orain arte egon den haragiaren ekoizpenaren euskal eredua babesteko eta mantentzeko" erakutsi duten borondate falta kritikatzeko. Irailetik aurrera mobilizazioak egiten jarraituko dutela iragarri dute bertan bildutakoek.
Venezuelarren elkarteak ez dira joango Bilboko elizbarrutiak 'Venezuelaren alde' gaur egingo duen mezara
EAEn, Nafarroan eta Kantabrian bizi diren venezuelarren hainbat taldek "erabat onartezin" jo dute Glenna del Valle Cabello Venezuelako Gobernuaren Bilboko kontsula (Diosdado Cabelloren arreba) bertan egotea, eta leporatu diote "biktimen mina" erabili nahi izatea "krisi demokratiko, humanitario eta instituzional sakon baten ardura duen erregimenaren legitimazio politikorako" tresna gisa.
Madrilgo suteak "fronte bakarrean" batu dira, eta herri gehiago daude arriskuan
Agintariek ohartarazi dute "gutxi" falta dela Avilako eta Madrilgo Erkidegoko suteak elkartzeko. Horrek, egoera are gehiago larriagotu eta itzaltze lanak zaildu ditzake.
Renfek aldaketak egingo ditu Gipuzkoako tren-zerbitzuan uztailaren 25etik aurrera
Irun eta Hernani arteko tren-zerbitzua eten egingo da asteburu honetatik aurrera AHTaren lanak direla eta. Renfek autobus zerbitzua eskainiko die bidaiariei.
Arrigorriagako emakumeen irudi sexualizatuak partekatzen dituen Telegram talde bat dagoela salatu dute
Gertaerak herriko jaietan atera dira argitara, eta Itaia erakundeak esan du herriko gazte gehienek bazutela horren berri.
Ibilgailu askoren arteko istripuak bost kilometroko auto ilarak eragin ditu Ap-8an, Zumaia parean
Ezbeharra Ap-8ko 44. kilometroan gertatu da, eta errei bat itxi behar izan dute Bilborako noranzkoan.