Arrigorriagako emakumeen irudi sexualizatuak partekatzen dituen Telegram talde bat dagoela salatu dute
Gertaerak herriko jaietan atera dira argitara, eta Itaia erakundeak esan du herriko gazte gehienek bazutela horren berri.
Hego Uribe eskualdeko emakume taldeek egindako salaketaren arabera, Telegram talde batean erabiltzaileek Bizkaiko herri horretako emakumeen irudi sexualizatuak partekatu dituzte. Emakume batek Itaia emakumeen elkartearen aurrean salatu zuen aplikazio horren bidez gizon talde batek eraso matxista egin ziola, eta, ondorioz, gertatutakoa argitara atera da.
Geuria tokiko hedabideak jakitera eman duenez, Itaiak salatu du gizon talde batek Telegram kanal bat sortu zuela, eta Arrigorriagako eta inguruko herrietako emakumeen irudi sexualizatuak argitaratu eta partekatu dituztela bertan, iruzkin misoginoak eta eduki sexualizatzaileak erantsita.
Horren esanetan, besteak beste WhatsApp eta Instagram aplikazioetatik lortu dituzte emakumeen irudiak, eta horien baimenik gabe zabaldu dituzte. Gainera, herriko gazte gehienek talde horren berri bazutela erantsi du, eta haren jarduna haien arteko ohiko mintzagaia zela.
Gertakariak herriko jaien testuinguruan zabaldu dira, eta, Itaiaren ustez, beste alde batera begiratzeak matxismoa normalizatzen laguntzen du eta erasotzaileen zigorgabetasuna areagotzen du. "Matxismoaren aurka posizionatzeko, erasotzailearen inpunitatea seinalatzeko eta matxismoaren aurka kaleak hartzeko unea da", horien hitzetan.
Kontsumorako objektu
Urruma Arrigorriagako Asanblada Feministak ere gaitsetzi ditu gertaera horiek, eta "isiltasunak eta konplizitateak erasotzaileak babesten dituzte", gaineratu du. "Emakumeen eta nesken gorputzak kontsumorako objektu bihurtzen dituzte, haien intimitatea eta duintasuna urratuz, eta baimenaren kultura guztiz baztertuz", erantsi dute.
Emakume kaltetuei elkartasuna eta babesa adieraztearekin batera, Urrumak herritar guztiei dei egin die gogoeta egin eta jarrera aktiboa har dezaten. Gainera, talde horietan parte hartzea, irudiak zabaltzea edo ezer egin gabe egotea ere arazoaren parte dela nabarmendu du.
Ertzaintzaren arabera, momentuz ez da salaketarik jarri gai horren inguruan.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.