Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Nieblako (Huelva) sutea, larunbat honetan. Argazkia: EFE.
Ostiral honetan sortutako lau baso-suteek, bat Huelvan eta hiru Castellon, bilakaera desberdina izan dute azken orduetan. Nieblako (Huelva) suteak kontrolik gabe jarraitzen duen bitartean, Castellon, Cullako sutea kontrolatutzat jo dute eta egoerak hobera egin du Serra d’en Galceranen. Tirigeko suteak, berriz, aktibo jarraitzen du, eta itzaltze-lanetan ari dira.
Egoera Huelvan
Gau "oso zaila" izan ostean, sugarrek kontrolik gabe jarraitzen dute Nieblan, Andaluziako Juntako presidenteorde eta Presidentzia, Osasun eta Larrialdi kontseilari Antonio Sanzek azaldu duenez. 4.000 hektarea kaltetu dira jada, eta dozenaka lagun etxetik atera behar izan dituzte..
Larunbat honetarako aurreikuspenak ez dira aldekoak, haizearen norabidea etengabe aldatzen ari delako, eta horrek, Sanzen hitzetan, "suari aurre egiteko estrategia hankaz gora jartzen du".
Gauean, fronte berri batzuk zabaldu dira, eta suhiltzaileek ezin izan dituzte sugarrak geldiarazi; gainera, orduko 40-50 kilometrorainoko haize-boladek lagundu dute sua zabaltzen. Goizaldean, haizeak hego-mendebaldetik hegoaldera egin du, eta larunbat arratsaldean berriro aldatuko du norabidea, aurreikuspenen arabera.
Guztira 20 aire-baliabide, 94 lehorreko ibilgailu (horietako 15 Larrialdietarako Unitate Militarrekoak, UMEkoak) eta 275 agente (Infocako 215 suhiltzaile eta UMEko 60 militar) ari dira sua itzaltzeko lanetan.
75 pertsonak etxetik alde egin behar izan dute, baina gehienak oporretan zeuden bertan, eta ohiko etxebizitzetara itzuli dira.
Kalteturako azalerari dagokionez, Sanzek adierazi du gehienbat eukaliptoak, pinuak eta dehesak erre direla.
Suak Castellon
Castellon, lurreko 200 langile eta aireko 17 baliabide ari dira ostiral honetan, 19:00ak eta 21:00ak bitartean, hiru baso-suteak itzaltzeko lanean. Tirigeko sutean dituzte baliabide gehien, Serra d’en Galcerango egoerak hobera egin eta Cullako sutea kontrolatutzat jo ondoren.
Egoera horren aurrean, Aginte Postu Aurreratua Serra d'en Galcerandik Tirigera eramango dute, aireko baliabideekin eta UMEren atal oso batekin batera. Atal hori hasieratik ari da eremu horretan lanean.
Suaren ondorioz, 91 pertsona etxetik atera behar izan dituzte, inguruetan barreiatuta dauden masietatik. Agintarien ustez, kaltetuak pixkanaka itzuli ahalko dira etxera, egoerak hobera egin ahala.
Egindako neurketen arabera, 45 hektarea erre dira, eta Pilar Bernabe Espainiako Gobernuak Valentziako Erkidegoan duen ordezkariak adierazi duenez, badirudi suteak inguruan izandako ekaitz lehorrarekin lotutako tximistek eragin dituztela, baina ikertzen jarraitzen dute.
Bestalde, Antonio Rodrigo Aginte Postuko zuzendari teknikoaren esanetan, orografia da suteei aurre egiteko zailtasun nagusia, baina aipatu baliabideak bideratuta egin ahal izan diote aurre oztopo horri.
Zure interesekoa izan daiteke
Behin-behinean aske geratu da Eltziegon bikotekidea harrapatzea egotzita atxilotutako emakumea
Harrapaketa larunbat goizean jazo zen, 07:30 aldera. 25 urteko emakumea epailearen esku utzi dute igande eguerdian, beharrezko eginbideak amaitu ostean. Etxeko indarkeriaren esparruan hilketa-saiakera delitua egotzi diote.
Antzar Egunean hildako mutila gogoratuko dute gaur Lekeition, elkarretaratze isil batekin
10 minutuko isilunea egingo dute igande honetan, 19:00etan, udaletxe aurrean, hildako gaztea gogoratzeko eta haren ingurukoei elkartasuna adierazteko. Horrez gain, gaurko jai-egitarauak aldaketa batzuk izango ditu.
Epailearen aurretik igarotzeko zain jarraitzen du Azpeitiko ustezko hiltzaileak
Azpeitiko eta inguruko beste herri batzuetako hainbat tokitan miaketak egin dituzte egunotan. Ustezko hiltzaileak, 43 urteko gizon batek, bere burua entregatu zuen larunbat goizaldean Ondarroako ertzain-etxean, eta soinean zeraman su-arma labur bat konfiskatu zioten.
Espainiako Gobernuak Ceutako portuaren kontrola hartu du etorkinei "arreta humanitarioa" emateko
Espainiako Gobernua Ceutako Mendebaldeko Kaian dagoen zabalgune bat egokitzen hasi da migratzaileak hartzeko. Bizilagunak, Portu Agintaritza eta Enpresarien Konfederazioa aurka dauden arren, kanpin dendak jarriko dituzte bertan. Aurreikuspenen arabera, mila migratzaile inguru hartuko dituzte. Ceutako Gobernua ere aurka agertu da, eta erabakia "akats larria" dela esan du.
36 urteko euskal mendizale bat larri zauritu da Asturiasen, eskalatzen ari zela harkaitz bat erorita
Antza denez, harria emakumea zegoen tokitik 300 bat metrora goragotik erori da. Garezurreko traumatismo larria izan du, eta Asturiasko Unibertsitate Ospitale Nagusira (HUCA) eraman dute.
Ondarroan atxilotu dute Azpeitiko ustezko hiltzailea
Ertzaintza haren bila ari zen asteartetik, eta azkenean, larunbat goizaldean, ustezko hiltzaileak bere burua entregatu du Ondarroako ertzain-etxean. Arma bat zeraman soinean, baina oraindik ez dute jakinarazi hilketan erabilitakoa ote den.
Ehunka lagunek harrera egin diote Freedom Flotilla ontziari Euskadin
Asteartera arte (hilak 8), Euskadin egoteko asmoa du. Egun horretan, Vigora abiatuko da, eta, ondoren, Mediterraneoko beste hainbat gunetara jarraituko du. Ontziak Bilbon egingo duen egonaldian, hainbat ekitaldi antolatu dituzte, besteak beste, hitzaldiak, emanaldiak, Palestinako azoka eta flotillako aktibistekin prentsaurrekoa.
25 urteko emakume bat atxilotu dute Eltziegon, bikotekidea harrapatzea leporatuta
Etxeko indarkeriaren esparruan hilketa-saiakera delitua egotzi diote. Gertaera larunbat goizean jazo da, 07:30ak aldera. Atxilotua polizia-etxera eraman dute eta, eginbideak amaitu ondoren, epailearen esku utziko dute.
20 urteko mutil bat hil da Lekeitioko Antzar Egunean, hesi batetik erorita; ospakizuna bertan behera utzi dute
Gaztea portuan zegoen, antzarren proba jarraitzen, eta bi metro inguruko altueratik erori da. Milaka lagun bildu dira gaur Lekeition, eta ekitaldia normaltasunez ari zen garatzen istripua gertatu den arte.
4.000 pertsona inguru bildu dira Donostiako Sagardo Egunean
Gipuzkoako 32 sagardotegitako sagardoak dastatzeko aukera eskaini dute. Trikitilari eta bertsolarien musikaz girotu dute eguna. Une hunkigarrienetako bat Jabier Ansorena eta Marian Matasen omenezko ekitaldia izan da.