Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Udako beroak zaildu egin du Euskadin egunean behar diren 350-400 odol-emateak lortzea, kopuru hori beharrezkotzat jotzen baita transfusio sarearen beharrak asetzeko. Egoera bereziki zaila izaten ari da abuztuan, oporraldiek eta ohitura-aldaketek odol-emateen kopurua murriztu ohi baitute.
Transfusio eta Giza Ehunen Euskal Zentroko Kudeaketa Klinikoko Unitateko buru Laura Biritxinagak eta Arabako Odol-emaileen Elkarteko Sustapen arduradun Aiala Elorza Sarasolak ohartarazi dutenez, udan "egun dezente" izaten dira beharrezko kopurura iristen ez direnak.
Odola egunero behar da
Odol-emateak ezinbestekoak dira globulu gorrien kontzentratuak eta plaketak izateko, besteak beste ebakuntza kirurgikoetan, istripuetan eta minbizia duten pazienteen tratamenduetan erabiltzen baitira.
Egoerak okerrera egin ohi du udan, baina aurten tenperatura altuek are gehiago zaildu dituzte odol-emateak. Zentro horretatik azaldu dutenez, abuztua izan ohi da urteko hilabeterik "zailena".
Emandako odola hiru osagaitan banatzen da: globulu gorriak (42 egunez hoztuta gorde daitezke), plaketak (zazpi eguneko iraupena dute) eta plasma (bi urte inguru gorde dezakete izoztuta).
Hiru odol-emate gune finko eta unitate ibiltariak
Euskadin odola emateko hiru gune finko daude: Donostiako Manuel Lekuona kalean, Gasteizko Olagibel kaleko anbulatorioan eta Usansoloko Transfusioen Euskal Zentroan.
Gune finkoez gain, odol-emateetarako autobusa ere ibiltzen da Araba, Bizkaia eta Gipuzkoako herri, auzo eta hirietan barrena. Unitate ibiltariak herriz herri ibiltzen dira, herritarrei odola emateko aukera errazteko.
Odola emateko, 18 eta 65 urte bitartean eta 50 kilotik gorako pisua izan behar da, eta osasun egoera onean egon behar da.
Zure interesekoa izan daiteke
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatuko dira eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.