Gizon bat atxilotu dute Zizur Nagusiko jaietan neska adingabe bati sexu-erasoa egiteagatik
Udaltzaingoak gizona atxilotu zuen, eta Foruzaingoak bere gain hartu du ikerketa. Asteartean elkarretaratzea egingo dute herrian.
Zizur Nagusiko jaietako Eraso Matxisten aurkako Mahaiak salatu du gizonezko batek sexu erasoa egin diola neskato bati; ukituak, egin dizkio, hain zuzen. Erasoa larunbatetik iganderako goizaldean gertatu zen, herriko jaien testuinguruan.
Orain-ek jakin duenez, Udaltzaingoak gizon bat atxilotu zuen gertakari horiekin lotuta, eta Foruzaingoak hartu du bere gain gertatutakoari buruzko ikerketa.
Jaietako Eraso Matxisten aurkako Mahaiak "erabateko gaitzespena" adierazi du "indarkeria matxista mota ororen aurrean". "Jaiek eta aisialdirako espazioek espazio seguruak izan behar dute, pertsona guztiek askatasunez eta inolako indarkeriarik jasateko beldurrik gabe gozatu eta erlazionatu ahal izateko", azpimarratu du.
Era berean, "elkartasuna eta babesa" adierazi dizkie "adingabeari eta haren inguruari", eta "une oro haren intimitatea errespetatu eta berriro biktimizatzea eragin dezakeen edozein ekintza" saihesteko beharra azpimarratu du.
Gertatutakoaren gaitzespen kolektiboa adierazteko, Mahaiak elkarretaratzea deitu du irailaren 1erako (asteartea), 19:30ean, Erreniega parkean, Zizur Nagusiko Kultur Etxearen ondoan.
Jaietako Eraso Matxisten aurkako Mahaia Zizur Nagusiko Udalak eta herriko talde feministek osatzen dute, zehazki, Mujeres Libres, Zizurko Talde Feminista eta Emakume Zizurtarrak elkarteek.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
