Hiru bizkaitar atxilotu dituzte, Kantabrian 1.500 metro kobre lapurtzea egotzita
Atxilotuak 37, 38 eta 49 urteko hiru gizon dira, eta Guardia Zibilak Kantabriako Galizano udalerrian argindarraren kablea lapurtzea egozten die.
Guardia Zibilak Bizkaiko 37, 38 eta 49 urteko hiru gizon atxilotu ditu orain gutxi, Kantabriako Galizano udalerrian 1.500 metro kobre indarrez lapurtzea leporatuta. Hiru gizonak atxilotu zituzten unean, ustez egun ezberdinetan lapurtutako ehunka argindar kable garraiatzen ari ziren ibilgailu batean.
Argindarraren kablea lapurtuta ere, zenbait tokitan argia izaten jarraitzen zuten.
Pasa den azaroaren 4an Guardia Zibilari jakinarazi zioten "jarrera susmagarria" zuten hainbat pertsona zeudela herrian, ibilgailu baten ondoan. Bidaiariak identifikatu ondoren, argindar kableak aurkitu zituzten auto barruan, baita motxila bat eta kobrea lapurtzeko erremintak eta tresnak ere.
Kablearen jatorria egiaztatu ezin izan zutenez, agenteek ingurua miatu zuten eta argiteria publikoko kutxa asko altxatuta, kableak moztuta eta farola batzuk kaltetuta zeudela ohartu ziren.
Hainbat ikerketa egin ondoren, hiru pertsona horiek atxilotu zituzten lapurretaren ustezko egileak zirelakoan. Halaber, argindar kableak eta erremintak atzeman zituzten.
Zure interesekoa izan daiteke
"Salbamendu-lanak oso zailak izan dira, eskailera-kaxa ke trinkoz beteta zegoelako"
Gorbeiako gurutzeak, 125 urte: kristautasunaren ikur izatetik euskal mendizaleen gidari izatera
Bi seme-alaba nagusi dituen ama bati lo egiteko lekua eman behar izan diote, Bilboko Udalak baieztatu duenez
Auto-ilarak A-8 autobidean Galdakaon
Zauritu bat ospitaleratu dute, Txorierrin sei ibilgailuren artean izandako istripu baten ondorioz
EAEko eta Nafarroako elikagai bankuek urteko bilketa handia egingo dute gaur-biharretan
47 pertsona artatu dituzte Bilboko etxebizitza batean izandako sute baten ondorioz; horietako 24 ospitaleetara eraman dituzte
Lekeitioko bizilagun batek 60 kiloko eta ia 1,85 metroko burbina ikusgarria harrapatu du
