NBEko begiraleek Siriako sarraskiaren tokira heltzea lortu dute
NBEko begiraleak Siriako Al Qubeir eskualdera iristea lortu dute ostiral honetan, bezperan Siriako armadak bertara sartzea galarazi ondoren, misio horretako iturriek jakitera eman dutenez.
Asteazkeneko sarraskiak 80 bat hildako utzi zituen Al Qubeir eskualdean, eta begiraleak ordubetez egon dira bertan, egoera aztertzen.
Ohar batean jakitera eman dutenez, tokia hutsik aurkitu dute, eta hainbat etxe tamaina handiko armekin suntsituta. Barrualdean odol arrastoak ikusi dituztela azaldu dute, eta hainbat sute oraindik itzali gabe zeudela.
''Sarraski honen inguruko datuak ez daude oraindik argi, eta ezin izan dugu hildakoen kopurua zehaztu'', gaineratu dute ohar horretan.
Siriako oposizioak erregimenaren indarrei egotzi die sarraskia, baina Damaskoko agintariek parte hartu izana ukatu dute, eta ''talde terroristei'' leporatu dizkiete hilketak.
Tiro hotzak eta leherketak Damaskon
Siriako gobernuarekiko leial jarraitzen duten indarrek eta talde opositoreek elkarri eraso egin diote gaur berriz, Damasko hiriko kaleetan, tiroka, hainbat aktibistak eta bizilagunek salatu dutenez.
Gainera, leherketa bortitza izan da hiriko merkataritza gune batean, segurtasun indarren egoitza batetik gertu.
Annan, irtenbide berrien bila
Hillary Clinton AEBko Estatu idazkaria eta Kofi Annan NBEk eta Arabiar Ligak Siriarako izendatu zuten ordezkari berezia Washingtonen bildu dira, egoera konpontzeko irtenbide berriak aurkitzeko asmoarekin. Agerian geratu dira berriz ere Siriaren egoeran Iranek izan beharko lukeen egitekoaren inguruko desadostasunak.
Gatazka konpontzeko harremanetarako taldean Iranek parte hartzea proposatu zuen ostegunean Annanek, baina Clintonek erabat baztertu du aukera hori.
Gerra zibila, "piztear"
Ban Ki-moon Nazio Batuen Erakundearen idazkari nagusiak ohartarazi du Sirian gerra zibila "piztear" dela, eta Bachar Al Asaden Gobernuak "zilegitasun osoa galdu" duela.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.