Mundu osoko egunkariek Chavezen heriotzari eskaini dizkiote azalak
Hugo Chavez Venezuelako presidentearen heriotzaren albistea azalera eraman dute nazioarteko egunkari gehienek.
Nicolas Maduro presidenteordearen iragarpenaren ostean, Venezuelako egunkariek titular handiekin erreakzionatu dute. "Hugo Chavez Frias hil egin da minbiziaren aurkako borroka luze baten ostean", dio El Universal-ek. Ultimas Noticias egunkariak Maduroren hitzak eraman ditu azalera eta venezuelarrei "bakearen zaintzaile" izateko deia egiten die.
Argentinan, Cristina Fernandez izan da hiletan egongo dela berretsi duen lehen agintarietako bat, eta bertako prentsak Chavezen irudia goraipatzen du. "Hunkipena mundu osoan: Hugo Chavez hil da", dio La Nacion-ek. Clarin-ek heriotzaren berri eman eta "Madurok Venezuela blindatu du" azpimarratu du.
Bolivian, Evo Morales Chavezen lagunaren agintepean, komunikabideek bereziak atera dituzte Chavezen heriotza dela eta. Moralesen erreakzioa jaso dute egunkariek; izan ere, lur jota dagoela esan du eta zazpi dolu-egun ezarri ditu.
Brasilen, Folha de Sao Paulo egunkariak "Minbiziak Hugo Chavezen 14 urteko agintaldiarekin amaitu du", dio.
"Ez adiorik, Komandante" dio Gramma-k, Kubako alderdi Komunistaren egunkariak. Chavez goraipatzen duen Gobernuko adierazpen bat eraman dute azalera.
Ameriketako Estatu Batuak
The Washington Post egunkariak "Iraultzarekin amets egiten zuen antzinako soldaduak petrolioaren potentzia handienetako baten lider izatea lortu zuten", dio. Bestalde, New York Times-ek "komunikabideen arretarekin gozatzen zuen hizlari bikaina" zela esaten du.
Iran eta Errusia
Iranek, Venezuelaren aliatu nagusietakoak, munduko agentzien informazioak bildu ditu egunkarietan. Errusiak, merkataritzako beste aliatu nagusiak, "XXI. mendeko sozialismoak heriotza honi aurre egin ahal izango dio" aipatzen du.
Espainia
Hugo Chavezen heriotza Espainiako prentsaren azal guztietan da nagusia eta egunkariek orrialde ugari eskaini dizkiote albisteari.
"Gaixotasunak Chavezekin amaitu du", dio El Pais-ek.
ABC-n, besteak beste, "Boliviako buruzagiaren izarra itzali da" eta "Kolpista jaio eta
diktadore hil da" irakur daitezke.
El Mundo-ren titularra hauxe da: "Chavezen heriotza hilketa inperialista bilakatu du Madurok". Azkenik, La Razon-ek "Chavez, 'kaudilloaren' heriotza" titularra eraman du azalera.
Europa
Frantzian, Le Figaro-k Venezuelako botere energetikoa azpimarratu du eta "Chavezek petrolioaren menpeko ekonomia" utzi duela dio. Le Monde egunkariak "Hugo Chavez hil egin da eta soldaduak zabaldu dituzte herrialdeko bakea bermatzeko".
Lider indartsuaren irudia nabarmendu dute Italian eta "Estatu Batuen aurkako 'kaudiolloari' agur", diote hedabideek.
"Estutasuna eta beldurra Chavezen heriotzaren ostean", dio Times egunkari britainiarrak. The Telegraph-ek "Hugo Chavez presidentea hil egin da herrialdea krisian utziz", dio azalean.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".