Ezkontza homosexualaren aurkako lagunek Parisko kaleak hartu dituzte
Ezkontza homosexualaren kontrako lagunek Parisko kaleak hartu dituzte igande honetan. François Hollande Frantziako presidenteak sexu bereko lagunen arteko ezkontza legeztatu duenetik, hirugarren martxa jendetsua da.
Poliziaren arabera, 150.000 lagun inguru izan dira manifestazioan; antolatzaileen aburuz, berriz, 1.000.000 lagunetik gora izan dira bertan. Halaber, 4.500 agentek segurtasuna bermatu dute, martxak erradikalizatu direlako.
Martxa aparteko jazoerarik gabe igaro da, salbuespen bakarrarekin. Alderdi Sozialistaren egoitzaren aurrean, Parisen, manifestazioaren hiru zutabek bat egin dute. Orduan, 20 bat ultra-eskuindar egoitzan sartu dira, eta "Hollande, dimisioa" irakurgai zen kartel bat jarri dute teilatuan. Poliziak lagun hauek kanporatu ditu, eta ez da ezer larririk gertatu.
Henri Guaino Herri-Mugimenduaren aldeko Batasuneko diputatuak azaldu duenez, eguna "giro familiarrean eta era baketsuan igaro da". "Gizon-emakumezkoen batasunaren ondorio bakarra da haurra", azpimarratu du Laure de Cotte manifestariak, "ohiko gauzak defendatu behar dira, gainerakoak naturaren kontrakoak direlako".
Izan ere, ezkontza homosexualen aurka dauden lagunen kezkarik handiena homosexualek haurrak adoptatu ahal izatea da.
Zure interesekoa izan daiteke
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.