Greziako haurra Bulgariako bikote baten alaba dela baieztatu dute
Bulgariako Barne Ministerioak gaur baieztatu duenez, Greziako ijitoen kanpaleku batean aurkitutako 'Maria' ume ilehoriaren guraso biologikoak topatu dituzte; bikote Bulgariar bat.
Svetlozar Lazarov Bulgariako Barne Ministerioaren idazkari nagusiaren esanetan, DNA frogek gurasoen identitatea berretsi dute. Gurasoek diotenez, Grezian familia batentzat lan egiten egon zirenean, familia horrekin utzi zuten haurra.
"Sashka Rusevari eta Atanas Rusevi DNA frogak hartu zizkioten atzo. Gaur atera dira emaitzak eta, horren arabera, Sashka Rusev 'Maria ilehoria'ren ama da, eta Atanas Rusev, berriz, aita", azaldu du Lazarovek komunikabideen aurrean.
Halaber, Lazarovek jakinarazi duenez, ikerketa abian jarri zuten 2009an ama haurra Grezian saltzen saiatu zelakoan, baina Bulgariako Gobernuko kide horrek ez du xehetasunik eskaini, kasua Fiskaltzaren esku dagoelako.
Umearen amak, berriz, akusazioak errefusatu ditu, eta Greziako familia horri 'Maria' emateagatik ez zuela dirurik kobratu azpimarratu du.
Lazarovek ez du jakinarazi non dauden 'Maria'ren gurasoak, ezta atxilotuta dauden argitzea ere. Izan ere, hainbat komunikabidek argitaratu dutenez, Rusev familia Sofiara eraman dute.
Zure interesekoa izan daiteke
AEBko Gobernuak kontratistaren hutsegite bat edo bideratzaile baten akatsa aipatu ditu aireko kaosaren balizko arrazoien artean
Zelenskik dio AEBk NATOn sartzea eskaini diola Ukrainari, Donbasi uko egitearen truke
Gurutzaontzi turistiko bat irauli da Mississippi ibaian, petrolio-ontzi batekin talka egin ostean
EBk bost herrialdetako ordezkariak bidaliko ditu Ukrainaren eta Errusiaren arteko bake elkarrizketetara
AEBk hegaldiei ekin die berriro, komunikazio arazo batengatik lau orduz etenda egon ondoren
Moskurekin negoziazioaren buru nor izango den erabakitzeko eztabaida abiatu du EBk
Jensen Huang Nvidiako CEOak dimititu egin du, eskandaluen ondorioz