Gutxienez bederatzi lagun hil dira Konstituzio berriaren errefendumean
Gutxienez bederatzi lagun hil dira Konstituzio berria bozkatzeko Egipton egiten ari diren erreferendumeko lehen egunean. Osasun Ministerioak jakitera eman duenez, istiluak izan dira hainbat probintziatan islamista eta segurtasun indarren artean. Ohar baten bidez zabaldutakoaren arabera, beste bi lagun berez hil dira Kairon, eta istiluekin zerikusirik ez duten istripuetan 28 pertsona zauritu dira.
Bozketaren lehen egunean izan diren istiluetan, lau lagun hil dira Sohag hirian, lau Giza probintzian eta bat Beni Suefen.
Barne Ministerioak jakitera eman duenez, Sohagen lau lagun hil dira, ustez Anaia Musulmanen jarraitzaileek egindako tiroen eraginez. Hainbat herritar botoa ematera zihoazenean gertatu da erasoa, eta bederatzi lagun zauritu dira. Ustezko 17 erasotzaile atxilotu dituzte segurtasun indarrek. Anaia Musulmanen jarraitzaile baten heriotza ere baieztatu du Barne Ministerioak. Naser herrian, Beni Suefen, islamista eta aurkarien artean izandako liskarretan gertatu da heriotza.
Anaia Musulmanek, bestalde, herrialdeko hainbat udalerritan izan diren liskarretan zortzi manifestari islamista hil direla zehaztu dute. Horietako lau Sohagen izandako istiluetan hil dira. Taldeak ez du zehaztu heriotza horiek Ministerioak adierazi duen tiroketan gertatu diren. Beste hiru lagun Giza probintzian hil dira eta bat Beni Suefen.
Konstituzioa berresteko erreferendumari boikota egiteko eskatu dute islamistek. Egiptoarrek bi egunetan jarraian izango dute botoa emateko aukera.
Albiste gehiago mundua
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.