Konstituzio berria bozkatzen hasi dira Egipton, erreferendumean
Egiptoarrak Armadak sustatutako Konstituzio berria bozkatzen hasi dira gaur goizean, erreferendumean. Ezustekorik ezean, baiezkoak aise irabaziko du, baina zalantza nagusia parte-hartzea da, litekeena txikia izatea baita.
Orotara, 52,7 milioi herritar daude gaur eta bihar bozkatzera deituta, 30.337 hauteslekutan.
Ezetzaren aldeko deiak oso ahulak izan dira, eta Armadak irmo zapaldu ditu. Anaia Musulmanek, gainera, boikota egin dute, eta, horregatik, Konstituzioaren aurkakoak etxean geratuko dira segur aski.
Horrenbestez, erreferendumaren gakoa parte-hartzea izango da, eta norabide horretan jarri ditu ahalegin handienak Gobernuak.
Oraingoz, atzerritik jasotako botoak urriak izan dira, parte-hartzea txikia izango den erakusle. Izan ere, atzerrian bozkatzeko eskubidea duten 700.000 egiptoarretatik, 103.000k baino ez dute bozkatu. % 15ek baino ez.
Agintarien helburua duela urtebeteko erreferendumean jaso zen % 33a gainditzea da, eta islamiarrei bozkatzera joanez aurre egiteko deia egin dute.
Beldur handiena balizko atentatuak dira, eta, beraz, 160.000 militar kalera atera dira, segurtasuna bermatzeko.
Konstituzio berriaren berrikuntza nagusiak
Testu berriak 247 artikulu ditu, leundu egiten du kutsu islamiarra, eta indar handiagoa ematen die Indar Armatuei. Dena dela, aurreko Konstituzioarekin alderatuz gero, ezberdintasunak ez direla oso handiak azaldu dute adituek.
Artikulu polemikoenak 234. eta 236. artikuluak dira. Lehenengoaren arabera, Indar Armatuek hautatuko dute Defentsa ministroa, eta bigarrenak zibilen aurka ere epaiketa militarrak egiteko aukera emango die, Armadaren aurkako erasoetan nahasita badaude.
Zure interesekoa izan daiteke
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.