Siriako Gobernuaren eta oposizioaren jarrerak oso urrun daude
2011n gatazka hasi zenetik, Siriako Gobernua eta oposizioa lehen aldiz bildu dira mahai baten inguruan. Suitzan izan da, eta aldeak borroka frontean bezala muturtuta agertu dira. Jarrerak oso urrun daude, kontrakoak dira. Hala ere, ostiralean elkarrizketa zuzenak hasteko konpromisoa hartu dute aldeek Montreuxen egindako bake konferentzian.
Sergei Lavrov Errusiako Atzerri ministroak Walid al Mualem Siriako homologoarekin eta Ahmed Yarba oposizioko buruzagiarekin hitz egin du. Oposizioari eta babesa eman dioten herrialdeei Damaskoko Gobernuan aldaketa bat eskatzera ez mugatzeko eskatu die Lavrovek.
Bake negoziaketan berehala aurrerapauso bat ematerik ez dagoela ohartarazi du Ban Ki-moon NBEko idazkari nagusiak. "Aurrerapauso bat berehala ematea ez dugu espero", esan du. Armekin borrokan ari diren aldeek "bakearen bidea aurkitu" behar dute, Banen hitzetan.
Siriako gatazkaren konponbidean laguntzeko bide "anitzak" aprobetxatzeko eta "probetxugarri" izateko eskatu die John Kerry AEBetako Estatu idazkariak Irango agintariei, nahiz eta goi-bilerara ez gonbidatu.
Ban Ki-moon Nazio Batuen Erakundeko (NBE) idazkari nagusiak hasiera eman dio gaur goizean Siriako gerra geldiarazteko bake konferentziari (Geneva 2 izenekoa), Montreux (Suitza) herrian.
Besteak beste, 39 herrialdetako ordezkariak (tartean Errusia eta AEB), Sirako Erregimena eta oposizioaren indar nagusia, Siriako Koalizio Nazionala, bertan izan dira, konponbide bila.
Siriako Gobernuak terrorismoaren amaiera eskatu du
Gatazkaren konponbide politikoa negoziatzeko prest azaldu da Bashar Jaafari Siriako Gobernuaren ordezkaria, baina lehenago "indarkeriaren eta terrorismoaren amaiera" baieztatzea beharrezkoa dela ohartarazi du.
Konferentziako lehen hitzaldietan, Walid Muallem Siriako Atzerri ministroak "terrorismoa hedatzea" egotzi die oposizioko taldeak finantzatu dituzten herrialdeei.
Bake konferentziako gosaria. Argazkia: EFE
"Siriarren arteko elkarrizketa da gatazkaren konponbidea, baina atzerriko herrialdeek talde terroristak finantzatzen badituzte, honek ez du arrakastarik izango", ohartarazi du.
Muallem oposizioaren ordezkaritzari (CNFROS Siriako Koalizio Nazionala) zuzendu zaio, eta oposizio osoa ordezkatzen ez duela gogorarazi dio.
Oposizioak Al Asad agintetik kentzea eskatu du
Bestalde, Ahmed Jarba oposizioko buruak Bachar al Asad agintetik kentzea ekarriko lukeen "benetako trantsizio" batekin konpromisoa agertzea eskatu dio Gobernuari.
Jarbak argi utzi du ez duela eztabaidatuko Al Asadek agintean jarraitzea.
Halaber, Siriako presidenteak gerra krimenak egin dituela salatu du, eta atzo ezagutu ziren 11.000 exekuzioak "naziek egindakoen tankerakoak" direla nabarmendu du.
Kerryk baztertu egin du Bachar Al Asad Siriako presidenteak balizko trantsizio Gobernu batean parte hartzea. Kerryk "krimen txarrenak" egin izana leporatu dio Al Asaden Erregimenari.
Bake konferentziako gosaria. Argazkia: EFE
Seguei Lavrov Errusiako Atzerri ministroaren esanetan, "negoziazioak ez dira errazak ezta azkarrak izango", baina bakea lortzeko "benetako aukera bat" dagoela uste du.
Hori horrela, elkarrekin lan egiteko deia egin die Erregimenari eta oposizioari, egoera humanitarioa arintzeko eta aldeen arteko konfiantza indartzeko, negoziazioek aurrera egin dezaten.
Zure interesekoa izan daiteke
Gutxienez 32 hildako eta 700 zauritu Venezuelan izandako 7,2 eta 7,5 graduko bi lurrikaren ondorioz
Venezuelako agintariek larrialdi egoera ezarri dute herrialdearen ipar-mendebaldean izandako bi lurrikara bortitzen ostean. Larrialdi-taldeek lanean jarraitzen dute lek batzuetara heltzea oso zaila izaten ari baita.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari bereziki aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.