Israelek 125 palestinar atxilotu ditu hiru neraberen bahiketa dela eta
Israeleko Armadak 125 palestinar atxilotu ditu, gutxienez, hiru nerabe israeldarren bahiketari erantzunda (orain dela bi egun baino gehiago bahitu zituzten), BBC telebista kate britainiarrak zabaldu duenez.
Palestinako Presoen Elkarteak salatu duenez, 46 pertsona atxilotu dituzte Hebronen, 23 Nablusen, 16 Ramalan, 12 Yeninen, 6 Tubasen, 5 Tulkaremen, 5 Qalqilian, 5 Jerusalemen, 4 Belenen eta 2 Salfiten.
Israelgo agintariek Hebron eskualderako sarbide guztiak itxi dituzte, eta etxeratze agindua ezarri dute, gauerditik aurrera martxan izango dena. Gainera, Gazako zerrendarekin muga egiten duten pasabide guztiak itxi ditu Israelek.
Palestinar Aginte Nazionalak atxiloketak eta Gazako zerrendan izandako bonbardaketak salatu ditu, zazpi urteko haur bat hil baita bertan. Palestinarrek "biztanleriaren aurkako zigorra" dela adierazi dute.
Hiru gazteak ostegun gauean bahitu zituzten, antza denez, Zisjordanian, baina larunbatera arte ez du Benjamin Netanyahuk gertatutako baieztatu. Netanyahuren arabera, "organizazio terrorista palestinarra" izan da bahiketa egin duena.
Horren ildotik, Israeleko presidenteak bahituen segurtasunaren erantzule izatea leporatu dio Mahmoud Abbas Palestinar Aginte Nazionaleko presidenteari. "Abbas eta Palestinar Agintea dira lurralde horietan, Gazan zein Zisjordanian, gertatzen den guztiaren erantzuleak", esan du.
"C Gunean gertatu denez erantzule ez direla esatea gezurra da. Erasotzaileak Palestinar Agintearen eremuetatik etorri ziren, eta Agintea da erantzulea", esan du Oslo IIko bake akordioan agertutako gune baten aipamena eginda.
C Gunea Israeli dagokio, eta Zisjordaniako % 70 hartzen du. A Gunea, ordea, Palestinari dagokio, eta % 3 hartzen du. B Gunea partekatua dago.
Bahitutako baten deia
Israelgo hedabideek jakinarazi dutenez, bahitutako hiru gazteetako batek Poliziari deitzea lortu zuen, bahituak izaten ari zirela abisatzeko. "Bahitu egin gaituzte", garrasi egin zuen gazteak, Poliziarekin kontaktuan jartzea lortu zuenean. Informazio hori lehenagotik ere bazuten hedabideek, baina ez zaie publikatzen utzi gaur arte. Ejertzitoari eta zerbitzu sekretuei ez zieten ezer esan ostiralera arte; orduan, gazteetako baten aitak haren desagerpena salatu zuen. Orduan eman zioten sinesgarritasuna aurreko gaueko deiari.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.