Bi palestinar hil ditu Israelek, desagertuak bilatzeko sarekada batean
Israeleko Armadak bi palestinar hil ditu eta beste 11 zauritu azken orduotan, Zisjordaniako Nablus eta Ramala auzoetan, Hamasen kontra abiatutako operazioan, orain dela bederatzi egun hiru gazte judu desagertu ostean.
Palestinarretako bat Ramala auzoan hil dute, Indar juduak etxebizitza bat miatzera zihoazenean haien bidea oztopatzeagatik. Bestea gaitasun urriko pertsona zen, eta noraezean zebilen Israeleko Armadak ziharduen auzo batean; hortaz, bertan tirokatu eta hil egin dute, Maan albiste agentziak zabaldu duenez.
Gainera, beste 11 palestinar zauritu dituzte eta 10 atxilotu; "Gure anaiak itzul gaitzazue" Israelek orain dela bederatzi egun hiru gazte judu desagertu eta gero abiatutako operazioaren baitan.
Israelek Hamasi leporatu dio hirurak bahitzea, nahiz eta duten zantzu bakarra den gazteetako batek egindako deia, bahitu zutela esanez.
Bilaketa operazioan parte hartu duen soldadu judu baten arabera, 350 lagun atxilotu, zenbait pertsona hil eta 1.300 etxebizitza miatu ditu dagoeneko Israelek.
Indar juduak noraezean dabiltza, zantzurik eta frogarik ez dutelako, eta azken 24 orduetan isurbideak eta hodiak miatzen ari dira, bertan ezkutatu dituzten baieztatzeko.
"Ziurtasun handiko froga"
Benjamin Netanyahu Israelgo lehen ministroak Hamas hiru gazteen desagerpenaren erantzule dela esan du berriz ere eta ziurtatu egin du "ziurtasun handiko froga" duela, eta zenbait herrialderekin partekatzen ari dela.
"Bahituak etxera ekartzen, bahitzaileak topatzen eta haien organizazioaren kontra egiten ari gara buru belarri. Hamas guzti honen erantzule dela baieztatzen duen froga daukagu", esan du Netanyahuk Ministro Kontseiluaren bileraren hasieran.
"Gutxi barru informazio hau plazaratuko da" eta, ohartarazi duenez, momentu horretan, "praktikan frogatuko dira" Mahmud Abas Palestinako presidentearen adierazpenak, zehaztu du.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.