'Sewol' ferryaren tragedia
Gorde
Kendu nire zerrendatik

Apirilean hondoratu zen ferry hegokorearraren jabea hilik aurkitu dute

304 pertsona hil ziren hondoratzearen ondorioz, eta enpresa horren burua ihes eginda zegoen.
Sewol ferrya. EFE
Sewol ferrya. EFE

Yoo Byung-eun, apirilean hondoratu zen Sewol ferry hegokorearraren enpresaren jabea, hilik topatu dute, Hego Koreako Poliziak baieztatu duenez.

304 pertsona hil ziren hondoratzearen ondorioz, eta Byung-eun herrialdeko pertsona bilatuena zen ordutik, ihes egin baitzuen. Biktima gehienak 16 eta 17 urte arteko ikasleak ziren.

Gorpua ekainaren 12an topatu zuten, Suncheon herrian (Seuldik 300 kilometro hegoaldera), eta orain identifikatu dute, DNA proba bati esker. Hilotza ustelduta zegoen, eta ez zuen indarkeria zantzurik. Oraindik ez dago argi nola eta zergatik hil zen.

Yoo Byung-eun enpresaburua, artista eta sekta erlijioso baten sortzailea zen, eta maiatzetik Hego Koreako pertsona bilatuena zen. Poliziak 500.000 dolarreko saria eskaini zuen hori entregatzearen truke.

Enpresaburu horrek ez zuen akziorik ferryaren enpresan, baina horren jabetzat jotzen zuten.

Ontziak oinarrizko segurtasun-neurriak urratu zituen. Adibidez, zama baimendutakoa baino hiru aldiz handiagoa zen. Gainera, Fiskaltzak dirua desbideratzea eta beste hainbat delitu egitea egotzi zizkion enpresaburuari.

Zure interesekoa izan daiteke

FOTODELDÍA -   CEUTA, 02/08/2026.- Medios desplegados intentan detener a un migrante este domingo en Ceuta. EFE/Reduán
18:00 - 20:00
ZUZENEAN
Duela  min.

Marokok mafiei, desinformazioari eta itzulketei buruzko gaizki-ulertuei egotzi die Ceutako krisia

Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.

Gehiago ikusi
Publizitatea
X