MH17 hegazkineko biktimen gorpuak Herbeheretara heldu dira
Herbeheretako Hercules hegazkin batek eta Australiako Boeing batek Malaysia Airlinesen hegaldiko biktimen gorpuzkiak Eindhoveneko basera eraman dituzte gaur. Jarkovetik (Ukrainako ekialdea) Eindhovenera (Herbeheretako hegoaldea) eraman dituzte.
24 hilkutxa zeramatzan Australiako hegazkinak 13:47ean (GMT) lur hartu du eta minutu gutxi batzuk geroago Herbeheretako hegazkin militarrak gauza bera egin du. Bigarrenak 50 bat gorpu eraman ditu.
Guillermo-Alejandro eta Maxima Herbeheretako erregeak, Mark Rutte lehen ministroak, Gobernuak eta Julie Bishop Australiako Atzerri ministroak bi hegazkinei harrera egin diete base militarreko pistan.
Base militarreko tropek bi hegazkinak hartu dituzte. Hegazkinetako bi aldeetan agur militarra egin diete. Buruzagiek eta soldaduek minutu bateko isilunea gorde dute.
Last Post ereserkia jo du Herbeheretako musika-talde militarrak. Commonwealtheko herrialdeen armadetan hildakoen oroimenez jotzen duten pieza da.
Dolu nazionala dute Herbeheretan. 1962an Guillermina erregina, Guillermo-Alejandro erregearen amona, hil zenetik ez zen halakorik gertatzen. Era berean, Harmelenen, tren istripu batean, 93 pertsona hil eta beste 52 zauritu zirenean dolu nazionala deitu zuten.
Dolu nazionala eta Herbeheretako banderak masta erdian, Utrechten. Argazkia: EFE
Identifikazioa Hilversumen
Eindhoveneko basea inguratzen duen hesian, Herbeheretako herritarrek loreak jarri dituzte biktimen oroimenez. Hildakoen hilkutxak hangar batean gorde dituzte eta ondoren konboi batek Hilversumeko base militarrera (iparraldean) eraman ditu.
Hilversumen, auzitegiko medikuek biktimak identifikatzeko lanari ekingo diote, baina zenbait hilabete beharko dituzte amaitzeko, Ruttek aurreratu duenez.
Orotara, 298 pertsona hil ziren uztailaren 17ko hegazkin ezbeharrean, eta horietatik 193 herbehereetarrak eta 27 australiarrak ziren. Ezbeharra zerk eragin zuen ez da argitu, baina antza denez, errusiazaleen kontrolpean dagoen gune batetik jaurtitako misil batek eragin zuen.
Frans Timmermans Herbehereetako Atzerri ministroak asteartean Bruselan egin zen Europar Batasunaren bilera, hegazkinaren ezbeharra zerk eragin zuen argitzeko ikerketa sakona eta independentea egitea eskatu zuen. Ruttek telefonoz hitz egin zuen Barack Obama AEBetako presidentearekin, eta behin gorpuak aberriratu ostean "lehentasuna ezbeharraren inguruan segurtasun perimetroa osatzea eta ikerketa osoa eta gardena zehaztea" izan behar zuela adostu zuten.
Hegazkinaren kaxa beltzak Erresuma Batura iritsi dira
Uztailaren 17an Ukraina ekialdean jauzi zen Malaysian Airlines konpainiako hegazkinaren kaxa beltzak gaur iritsi dira Erresuma Batura, eta adituek horiek ikertzeari ekingo diote, aire-istripuen ikerketa departamentuak (AAIB) jakinarazi duenez.
AAIBren Farnborougheko egoitzan dauden aipaturiko kaxa beltzak, Ingalaterra hegoaldean. Bertan aztertuko dituzte kaxa beltzak Herbehereetako agintariek hala eskatuta.
Ustez, errusiazaleen kontrolpean dagoen gune batetik jaurtitako misil batek botarazi zuen hegazkina. Aditu britainiarrek pilotuen elkarrizketak entzun eta hegazkinaren datuak ebaluatuko dituzte. Garraio ministro britainiarrak azaldu duenez, 24 orduan kaxa beltzetako informazio guztia berreskuratzea espero dute, baina emaitzak Herbehereetako Gobernuari helaraziko dizkiote.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.