Errusia AEBetako eta EBko igaro-hegaldiak debekatzea aztertzen ari da
Errusia Amerikako Estatu Batuetatik eta Europar Batasunetik datozen igaro-hegaldi guztiak debekatzea aztertzen ari da. Ukrainako krisia dela eta, Mendebaldeak ezarritako zigorrei erantzuteko beste modu bat izango litzateke. Kremlinak Ukrainako hegaldiak debekatu ditu dagoeneko.
"Europako eta AEBetako konpainien igaro-hegaldiek Asia ekialdeko eskualdeetara joateko gure herrialdeko aire-eremua erabiltzeko debekua izango litzateke", adierazi du Dmitri Medvedev Errusiako lehen ministroak.
"Neurri horiek berehala ezarriko ditugunik ez du esan nahi, baina mahai gainean daude jadanik", erantsi du Medvedevek. "Neurri oso gogorrak dira, noski. Baina aipatu behar ditugu", azaldu du Gobernuko buruzagiak, Errusiako albiste-agentzien arabera.
"Neurriak aplikatuz gero, mendebaldeko konpainien gastuek gora egingo lukete", esan du lehen ministroak.
Elikagaien inportazioa
Bestalde, Errusiak Mendebaldeko nekazaritza eta elikadura sektoreari kolpe gogorra eman dio gaur; izan ere, Moskuri zigorrak ezarri zizkioten estatuetako, besteak beste, Espainiako, elikagai ustelkor guztien inportazioa debekatu du.
Europar Batasuna, AEB, Australia, Kanada eta Norvegiako "txahalkia, txerrikia, barazki eta ortuariak, frutak, arraina, gaztak, esnea eta esnekien inportazioa erabat debekatzea erabaki du Errusiak", Medvedevek iragarri duenez.
Langile bat esnekiak jartzen San Petersburgeko supermerkatu batean. Argazkia: EFE
Horrela, Errusia Latinoamerikako estatuetan merkatu alternatiboak bilatzen ari da jadanik, produktu horiek erosi ahal izateko.
Errusiaren erabakia deitoratu du Europako Batzordeak. Horrela, EBk erantzun bat ematea ez du baztertu.
"Errusiako Federazioaren erabakia deitoratzen du Europar Batasunak. Erabakiaren atzean arrazoi politikoak daude, argi eta garbi", salatu du Frederic Vincent Europako Batzordearen bozeramaileak prentsaurrekoan.
NATOk, Errusiarekin lankidetza bertan behera
Anders Fogh Rasmussen NATOko idazkari nagusiak ziurtatu duenez, Errusiarekin lankidetza bertan behera uztea erabaki du Aliantza Atlantikoak. Bestalde, Ukrainari emandako laguntza areagotuko dutela iragarri du.
"Errusiarekin lankidetza bertan behera utzi du NATOk (...) eta Ukrainarekin lankidetza areagotzea erabaki du", adierazi du Rasmussenek Kieven. NATOko idazkari nagusia Alexandr Turtxynov Ukrainako Parlamentuaren presidentearekin bildu da.
"NATOko kide guztien defentsa kolektiboa sendotzea" erabaki dute aliatuek, Rasmussenek erantsi duenez. Errusiak Ukrainako lurraldetasunaren aurka emandako pausoak gaitzetsi ditu Rasmussenek.
Zure interesekoa izan daiteke
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.