Israel: 'Netanyahuk ez ditu onartu 1967ko mugak'
Benjamin Netanyahu Israelgo lehen ministroaren bulegoak ezeztatu du horrek 1967 mugak izango lituzkeen Estatu palestinarraren sorrera onartua izatea. Hori adierazi zuen ostegun gauean Mahmud Abas Palestinako presidenteak.
Bulegoaren iturri batek, halaber, Hamasek eta Israelek adostutako su etenaren aurreko egunetan Abasek eta Netanyahuk bilduta egon izana ezeztatu du. "Ghad" egunkari jordaniarrak hori esan zuen, eta Abasek berak iradoki egin zuen.
"Ez da horrelakorik izan", nabarmendu du aipatutako bulegoaren arduradun batek "Haaretz" egunkari israeldarrean.
Igandean, Ofir Akunis Netanyahu Bulegoaren arduraduna den ministrordeak baieztatu zuen Israelek inoiz ez dituela Zisjordaniako koloniak utzi egingo. Nazioarteko zuzenbidearen arabera, legez kanpokoak dira kolonia horiek, baina Israelek uste du Palestinako eskualde hori bere nazioaren zatia dela.
"1967ko lerroetara bueltzatzea ia nazio-suizidioa izango litzateke. Gazan egindako atzera-egitearen emaitzek argi uzten dute atzera-egiteek ez dutela bakea ekartzen, gerra baizik", esan zuen.
Abas: "Netanyahuk nire aurrean baieztatu egin zuen"
Ostegun gauean, eta Ramalako Mukata presidentzi-jauregian egindako adierazpenetan (Maan agentziak zabaldutakoak), Abasek esan zuen Netanyahuk bere aurrean baieztatu zuela "Estatu palestinarra onartzen duela, eta mugak zehaztea baino ez dela falta".
Abasek, halaber, esan zuen Saeb Erekat negoziatzaile palestinar nagusia eta Majid Farrah zerbitzu sekretuetako burua datorren astean bilduko direla John Kerry AEBren Estatu idazkariarekin. Ez dute zehaztu non batzartuko diren, baina Netanyahurekin izandako bileraren berri emango diote eta etorkizunean emango dituzten urratsak jakinaraziko dizkiote.
Palestinako agintariek, ordu batzuk lehenago, irailaren 15ean NBEren Segurtasun Kontseiluari proposamena aurkeztuko diola zuten esana. Asmoa Israelen okupazioa noiz amaituko den eta Estatu palestinarra noiz sortuko den zehaztea izango litzateke.
Balizko nazioarteko goi-bilera
Eferi iturri palestinarrek esan diotenez, Abas hemendik aurrerako estrategian ari da lan egiten. Baliteke nazioarteko goi-bilera bat deitzea, edo Jordaniaren bidez egitea.
Nolanahi ere, Liga Arabiarraren hurrengo bileran aztertuko dute estrategia hori. 22 herrialdek osatzen dute Liga hori, eta irailaren 5ean egingo dute.
Albiste gehiago mundua
Igande honetan abiatuko da Bartzelonatik Gazara janaria eta sendagaiak eramango dituen flotilla
14:00ean atera dira berrogeita hamar ontzi inguruak, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die igandean Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.
Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.