Jose Socrates Portugalgo lehen ministro ohia atxilotu dute
Jose Socrates Portugalgo lehen ministro ohia atxilotu dute, iruzur fiskala, dirua zuritzea eta ustelkeria delituak egin dituelakoan.
Lehen ministroa ohia Lisboako aireportura heldu eta berehala atxilotu dute, Paristik etorri ondoren, hedabide portugaldarrek zabaldu dutenez.
Fiskaltzak Socrates eta enpresari bat, abokatu bat eta gidari bat atxilotu dituztela baieztatu du, eta dagoeneko itaundu dituzte, ustelkeria sare honekin duten ustezko lotura argitzeko.
"Socrates gain, (...) aurreko ostegunean Carlos Santos Silva enpresaria, Goçcalo Trindade Ferreira abokatua, João Perna gidaria atxilotuak izan ziren", zehaztu du Fiskaltzak plazaratutako ohar baten bidez. Gainera, operazioaren baitan, zenbait lokal miatu dituztela adierazi dute. Itaunketak atzo hasi ziren eta gaur berriro ekin diete itaunketei Lisboako Auzitegi Kriminalean.
Era berean, Fiskaltzak gaineratu duenez, oraingoan abiarazitako ikerketa ez dago lotuta 2011. urteko ekainean hasitako Mendi Zuria operazioarekin. Garai horretan, Portugal eta Suitzaren arteko konexioen bidez dirua zuritzen zuen sare bat desegin zuten.
Orain, ustez, "justifikaziorik gabeko eta legez kanpoko banku operazioak, mugimenduak eta diru-transferentziak" egiteagatik atxilotu dute.
Portugalen historian lehen ministro ohi bat atxilotzen duten lehen aldia da.
Jose Socrates Portugalgo baroi sozialistatzat dute; 2005eko hauteskundeak irabazi zituen, gehiengo osoarekin, eta gobernuburu izan zen 2011ra arte.
Zure interesekoa izan daiteke
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.