Palestinako Estatua aitortzea eskatu du Frantziako Parlamentuak
Palestinako Estatua onartzea Gobernuari eskatzeko ebazpen ez loteslea babestu dute gaur Frantziako diputatuek gehiengo zabal batekin. Duela aste gutxi Erresuma Batuko eta Espainiako ganberek gauza bera egin zuten.
Testuak aldeko 339 boto jaso ditu. Alderdi Sozialistak, komunistek eta ekologistek babesa eman diote. Ekimenak kontrako 151 boto izan ditu. UMP kontserbadoreak eta zentristek aurkako botoa eman dute.
Eskuineko parlamentari ugarik ez dute bozketan parte hartu, nahiz eta Palestinako Estatuaren aldekoak izan. Ebazpena aurrera ateratzeko unerik egokiena ez zela uste zuten eskuineko diputatu horiek.
Europaren presioa
Horrela, negoziazioari berriz ekiteko presioa egin nahi dio Europak Israeli. Palestinako Estatua aitortu zuen Europar Batasuneko aurreneko herrialdea Suedia izan zen. Ondoren, Espainiako eta Erresuma Batuko parlamentuek gauza bera egitea eskatu dute.
NBEko 193 herrialdeetatik 135ek Palestinako Estatua onartu dute orain arte.
Bake prozesuaren etenaldia ikusita, bide horren alde agertu zen Federica Mogherini EBko diplomaziaren buruzagia.
Zure interesekoa izan daiteke
Ehunka mila lagun atera dira kalera Pragan, hedabide publikoen independentziaren alde
Estoniak Errusiarekin duen muga itxiko du abenduan, Moskuri leporatutako sabotaje bat tarteko
AEBko Gobernuak kontratistaren hutsegite bat edo bideratzaile baten akatsa aipatu ditu aireko kaosaren balizko arrazoien artean
Zelenskik dio AEBk NATOn sartzea eskaini diola Ukrainari, Donbasi uko egitearen truke
Gurutzaontzi turistiko bat irauli da Mississippi ibaian, petrolio-ontzi batekin talka egin ostean
EBk bost herrialdetako ordezkariak bidaliko ditu Ukrainaren eta Errusiaren arteko bake elkarrizketetara
AEBk hegaldiei ekin die berriro, komunikazio arazo batengatik lau orduz etenda egon ondoren
Moskurekin negoziazioaren buru nor izango den erabakitzeko eztabaida abiatu du EBk
Jensen Huang Nvidiako CEOak dimititu egin du, eskandaluen ondorioz