Tsiprasek bere Gobernu programa aurkeztuko du igandean
Alexis Tsipras Greziako lehen ministroak bere Gobernu programa aurkeztuko du gaur Parlamentuan eta, programa horrekin, Europako bazkideak konbentzitzea espero du, Greziari beste kreditu bat eman diezaioten akordioa sinatu bitartean.
Greziako Parlamentuko eztabaida 19:00etan hasiko da (18:00etan Euskal Herrian), Tsiprasen hitzaldiarekin. Dena den, eztabaidak hiru egun iraungo du eta asteartean amaituko da. Orduan, Gobernu berriak konfiantza botoa eskatuko dio Parlamentuari.
To Vima egunkariaren edizio digitalak, gobernu iturriak aipatuz, berri eman duenez, Grezia eta Europako bazkideen arteko negoziazioetan izaten ari diren arazoen gainean hitz egingo du Alexis Tsiprasek bere hitzaldian.
Iturri horren arabera, Gobernuak iragarriko du ezingo dituela bere promesa guztiak bete lehenengo urtean eta, ondorioz, bi fasetan egingo dituela.
Lehen fasean, Tsiprasen gobernua krisi humanitarioari aurre egiten saiatuko da, Salonica programaren zutabe nagusietako bat dena; zeinak, besteak beste, txiroenentzako doako elektrizitatea eta janaritarako eta garraiorako deskontu txartelak eta bonuak banatzea aurreikusten duen. Egitasmo horrek, 2.000 milioi euroko kostua izango du eta, horri aurre egiteko, zerga ihesari aurre egiten saiatuko da Gobernua.
Bigarren fasean, berriz, Tsiprasek proposatu duen kontratu sozial berria aplikatzeko baldintzak sortuko dira.
Tsiprasek bihar egingo duen Gobernu programaren aurkezpenak Bruselarekin konpromiso batera heltzeko balioko duenaren itxaropena du Greziako gobernuak.
/p>Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.