Frantziako 1.400 herritar, jihadisten sareekin lotuta
Manuel Valls Frantziako lehen ministroaren hitzetan, Frantzian bizi diren 1.400 herritar daude, gaur egun, Sirian edota Iraken borrokan ari diren jihadisten sareekin lotuta.
1.400 herritar horietatik 750ek Sirian edo Iraken errotuta dauden jihadisten taldeekin loturaren bat dute, eta 410 inguru herrialde horietan daude jada, borrokarako prest, Vallsek Europe 1 irrati-katean egindako elkarrizketa batean esan duenez. Gainerakoek sare horietako kide izateko asmoa agertu dute, oraindik zuzenean parte hartu ez badute ere.
Frantziako zerbitzu sekretuen datu basearen arabera, azken asteotan handitu egin da jihadisten sareen zerrendetan agertzen den frantziarren kopurua. Urtarrilaren 19an zabaldu zituzten azkenengoz datuak, eta, orduan, 1.280 ziren jihadisten sareekin lotura zuten frantziarrak. Vallsen ustez, "arazo hau ez da Frantziarena bakarrik, eta aurre egiteko ezinbestekoa da gizartearen mobilizazioa".
Charlie Hebdo astekariaren kontrako atentatuak izan eta hilabetera, bilera egingo du gaur Parisen Frantziako lehen ministroak Barne Cazeneuve Barne ministroarekin eta Najat Vallaud-Belkacem Hezkuntza ministroarekin, jihadismoaren bilakaera aztertzeko. Gobernuaren eskualdeetako arduradunak ere izango dira bileran. Jihadismoari aurre egiteko, hezkuntza sisteman hartu beharreko neurriak aztertuko dituzte.
Zure interesekoa izan daiteke
Ehunka mila lagun atera dira kalera Pragan, hedabide publikoen independentziaren alde
Estoniak Errusiarekin duen muga itxiko du abenduan, Moskuri leporatutako sabotaje bat tarteko
AEBko Gobernuak kontratistaren hutsegite bat edo bideratzaile baten akatsa aipatu ditu aireko kaosaren balizko arrazoien artean
Zelenskik dio AEBk NATOn sartzea eskaini diola Ukrainari, Donbasi uko egitearen truke
Gurutzaontzi turistiko bat irauli da Mississippi ibaian, petrolio-ontzi batekin talka egin ostean
EBk bost herrialdetako ordezkariak bidaliko ditu Ukrainaren eta Errusiaren arteko bake elkarrizketetara
AEBk hegaldiei ekin die berriro, komunikazio arazo batengatik lau orduz etenda egon ondoren
Moskurekin negoziazioaren buru nor izango den erabakitzeko eztabaida abiatu du EBk
Jensen Huang Nvidiako CEOak dimititu egin du, eskandaluen ondorioz