Erreskatea lau hilabete luzatzea adostu dute Eurotaldeak eta Greziak
Euroguneko Ekonomia ministroek hirugarren saiakeran lortu dute Greziaren finantza laguntzarako programa sei hilabetez luzatzeko akordioa, Jerone Dijsselbloem Eurotaldeko presidenteak baieztatu duenez. Agintari europarrak zehaztu du lau hilabeteko luzapena izango dela, eta Greziak "erreforma sorta zabala" aurkezu beharko duela.
Alemaniak, Greziak eta troikak Eurotaldearen bileraren aurretik egindako itunari esker lortu dute akordioa.
"Ostegunean sei hilabeteko luzapena eskatu zuten, baina gure erabakia lau hilabetez luzatzea izan da", adierazi du Dijsselbloemek, Euroguneko Ekonomia eta Finantza ministroek Bruselan egin duten premiazko bileraren ostean.
Gaineratu duenez, "gure arteko konfiantza aurkitzea zen helburua. Gaur gauekoa lehenengo pausoa izan da konfiantza berreraikitzeko prozesu luze honetan".
"Azken egunotako lana baliagarria izan dela, akordioa gauzatu dela eta akordioaren xehetasunak jasotzen dituen adierazpena badagoela baieztatzen dizuet", azpimarratu du Herbehereetako Finantza ministro ere badenak.
Era berean, Greziak "luzapenean izango duen diru funtsarekin bankuak birkapitalizatu" ahal izango dituela jakinarazi du.
Greziaren konpromiso gehiago
Zehaztu duenez, akordioa lortzeko, Greziak "konpromiso gehiago" hartu behar izan ditu, eta hitz eman behar izan du "ez dituela neurriak bertan behera utziko eta ez duela zerga alorrean alde bakarreko neurririk hartuko".
Gaurko akordioa Eurotaldeko Estatuetako Parlamentu batzuen (Alemania, Finlandia, Estonia eta Herbehereak) oniritzia jaso beharko du datorren astean, erreskaterako programa otsailaren 28an amaitu aurretik.
Lagarde, Moscovici eta Dijsselbloem. Argazkia: EFE
Greziak erreforma zerrenda bat aurkeztu beharko du astelehenerako, eta troika osatzen duten erakundeek (Europako Banku Zentrala, Nazioarteko Diru Funtsa eta Europako Batzordea) ebaluatu egin beharko dute, Euroguneko eta Greziako iturrien esanetan.
Asteleheneko azterketa, telefonoz
Bestalde, Pierre Moscovici Ekonomikoa eta Finantza Gaietarako komisarioa akordioarekin pozik agertu da, eta ?Greziarentzako zein eurogunearentzako adostasun bat ezinbestekoa? zela ziurtatu du.
Akordioa astelehenean zehazturik izateko talde teknikoek lan egingo dutela erantsi du Moscovicik. Atenasek astelehenean aurkeztu beharrekoaren azterketa telefonoz egingo dutela esan du, hau da, ez da bilera berririk izango Bruselan.
Apirila
Erakundeek erreformen zerrenda apirilaren amaieran zehaztuko dutela azaldu du Cristine Lagarde Nazioarteko Diru Funtseko zuzendariak.
?Erakundeek luzatu berri duten programaren amaiera onartzen baldin badute bakarrik, falta den 1.800 milioi euroko tartea ordaintzea posible izango da?, ohartarazi du Lagardek, baita Greziak Europako Banku Zentralari (EBZ) eskatutako 1.900 milioi euroak transferitzea ere.
Bankuei laguntzeko aldi baterako erreskate funtsaren 10.900 milioi euro Europako Finantza Egonkortasunerako Funtsera itzuliko direla esan du Klaus Regling EBZko zuzendariak, baina lau hilabete luzatuko dutela erantsi du.
Yanis Varufakis Greziako Finantza ministroa. Argazkia: EFE
Greziak ?orrialderi buelta eman dio?
Euroguneko kideekin adostutako akordioarekin Greziak ?orrialdeari buelta? eman diola adierazi du Atenasek. Hauteskundeetan herriak emandako agindua errespetatuz egin duela goraipatu du Exekutiboak.
Yanis Varufakis Greziako Finantza ministroa akordioarekin pozik agertu da, ?murrizketa gehiago? saihesten dituelako, hala nola, pentsioen murrizketa edo BEZren igoera bat.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".