Gutxienez 60 lagun hil ditu Boko Haramek Nigeriako iparraldean
Gutxienez 60 lagun hil dira Bornoko eta Adamawako estatuetan, Nigeriako iparraldean, Boko Haram talde jihadistak egindako hainbat erasotan, zenbait lekuko jakinarazi dutenez.
Matxino nigeriarrek gutxienez 20 lagun hil dituzte ostiral honetan Chibok udalerritik hurbileko komunitateetan. Hor bertan 200 neskatotik gora bahitu zituzten joan den apirilaren 14ean. Oraindik ez dakite non dauden neskato horiek.
Hainbat zaindarik azaldu dutenez, jihadistek Layhawul, Gatamarwa eta Makalamako herrixkak eraso egin dute, Bornoko estatuan, eta "jendearen aurka tiro egin zuten, janaria eraman eta etxebizitzak erre zituzten".
Gainera, azken egunotan gutxienez beste 40 pertsona hil dira Gafa-gako eta Zangeko komunitateetan izandako hainbat erasotan. "Ostegunean Boko Haram taldeko ehunka kidek gure herrixkei eraso egin zieten. Herrixkaren parterik handiena erre zuten, eta gure janaria eta animaliak eraman zituzten", salatu du Bala Ahmed herritarrak.
Ahmedek azaldu duenez, matxinoak Sambisa basotik ihes egiten ari ziren, azken egunotan Nigeriako Armadak horien atzetik zebiltzalako.
Boko Harameko terrorismoaren aurka borrokatzeko zabaldutako indar militarra handia izan arren, talde jihadistaren erasoak areagotu eta Nigeriako mugatik haratago zabaldu egin dira (Niger, Txad eta Niger).
Milizia erradikalaren buru Abubakar Sekauk Nigerian estatu islamikoa ezartzeko borrokarako deia egin du, eta Armadaren eta herritarren aurkako erasoak jarraituko direla hitzeman du.
la hitzeman du.Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.