2.500 hildakotik gora eta 6.000 zauritu jada, lurrikararen ondorioz
6,7 graduko lurrikara berri batek Nepal astindu du, larunbatean herrialdea hankaz gora utzi zuen 7,9 graduko lurrikaratik 24 ordu ingurura. 2.500 lagun hil dira dagoeneko, eta 6.000 zauritutik gora daude.
Gainera, AEBko Geologia Zerbitzuak (USGS) zabaldu duenaren arabera, erreplikaren epizentroa Katmandu Nepalgo hiriburutik 81 bat kilometrora kokatu da.
Lurrikara Nueva Delhin eta Indiako eta Bangladesheko iparraldean ere antzeman dute.
Gutxienez 22 hildako Everesten
Gutxienez 22 hildako eta 217 desagertu daude Everesten larunbatean Nepalgo lurrikarak eragindako elur-jausien ondorioz, Nepalgo Turismo Ministerioak jakitera eman duenez.
Ordura arte 22 hilotz erreskatatu dituzte Everesteko kanpamentu nagusian. Bestalde, 217 lagunek galduta jarraitzen dute. Everesten, munduko gailurrik altuenean, elur-jausi gehiago izan dira igande honetan, erreplika berrien ondorioz.
Bestalde, 32 lagun bizirik erreskatatu dituzte, eta beste 29 Luklako ospitalean artatzen ari dira. Suresh Acharya Turismo Ministerioaren kideak azaldu duenez, lagun horiek helikoptero bidez eraman dituzte ospitalera.
Mendizaleen, bide-erakusleen eta zamaketarien atseden-gunea suntsitu zuen elur-jausiak. Gainera, kanpadendak ere txikitu zituen.
Everesten orain arte izandako tragediarik handiena izan da larunbatean jazotakoa. Iaz 13 lagun hil ziren beste elur-jausi baten ondorioz. Hori dela eta, gailurra hiru astez itxi zuten.
Dharahara jausi da
Bestalde, lurrikarak Dharahara -edo Bhimsen dorrea- XIX. mendeko monumentua suntsitu zuen. Eraikuntzak UNESCOren zigilua jaso zuen.
Dorrea 1832. urtean eraiki zuten, hasieran helburu militarrarekin. Barnealdean, eskailera baten bidez bederatzi solairuetara hel daiteke. Orain dela hamarkada bat inguru zabaldu zuten turistentzat.
Indian eta Txinan ere bai
Bestalde, lurrikara Nueva Delhin, Txinan eta India iparraldeko hiri ugaritan ere sentitu zen. NDTV bertoko telebista kateak zabaldu zuenez, minutu bat inguru iraun zuten mugimenduek eta, hori dela eta, jende asko kalera irten zen, izututa.
Hala, Indian 53 pertsona baino gehiago hil dira, azken balantzearen arabera.
Horren ildotik, Tibeten gutxienez 13 hildako izan ziren lurrikararen ondorioz, Nepaleko mugatik gertu. Hilotzak Nyalam eta Gyrong eskualdetan ageri ziren.
Espaniako Gobernuaren aholkuak
Espainiako Gobernuak bidaia atzeratzeko eskatu die Nepalera bidatzeko asmoa dutenei, herrialde asiarrean "normaltasuna berriz ezarri arte". Kanpo Arazoetarako eta Kooperazio Ministerioak bidaiatzeko gomendioak berritu ditu, gaurko ezbeharraren ostean.
Abisuan, Jose Manuel Garcia-Margallok gidatzen duen departamentua Nepalen dauden espainiarrei zein hara joateko asmoa dutenei zuzendu zaie.
"Nepalera joatekoak diren bidariei atzeratzea gomendatzen diegu, normaltasuna nagusi izan arte", berretsi du Kanpo Arazoetarako Ministerioak
Zure interesekoa izan daiteke
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.