EBZak jarraitu egingo du Greziari maileguak ematen
Europako Banku Zentralak jakinarazi duenez, egun ematen dituen maileguei eustea erabaki du, Greziako bankuen kasuan, eta herrialdearen egoera gertutik jarraitzen ari da.
EBZaren Gobernu-Kontseiluak esan duenez, "kontuan hartuko" du Greziako Parlamentuak erreferenduma egitea adostu izana, eta Greziako Banku Zentralarekin "estu" lan egingo duela hitzeman du, finantza-egonkortasuna bermatzeko.
"Egungo egoera ikusita, Gobernu-Kontseiluak ostiralean erabakitako maileguei eustea erabaki du", 89.000 milioi euro, erakunde horrek ohar baten bidez jakinarazi duenez. Hala ere, ohartarazi duenez, "erabaki hori berriro aztertzeko prest gaude".
Bestalde, Mario Dragui EBZaren presidenteak adierazi duenez, "Greziako Bankuarekin lanean estu jarraitzeko asmoa dugu, eta euroguneko ekonomien ahuleziei aurre egiteko unean, estatu bazkideen konpromisoa babesteko prest gaude".
Yannis Stournaras Greziako Bankuaren gobernadoreak esan duenez, "une zail hauetan greziarren finantza-egonkortasuna bermatzeko behar besteko neurriak hartuko ditugu".
'Arazoak saihestea'
Yanos Varufakis Finantza ministro greziarrak gaur esan duenez, Gobernuak egin beharreko guztia egingo du greziarren eguneroko bizitzek arazoak izan ez ditzaten.
"Beharrezkoa den edozein neurri hartuko dugu, greziarrek eguneroko bizitzan arazoak izan ez ditzaten", adierazi du Varufakisek finantza-sistemaren egonkortasunerako kontseiluaren bileraren ostean.
NDFaren desengainua
Bestalde, Nazioarteko Diru Funtsaren zuzendari Christine Lagardek bere "desengainua" azaldu du krisi greziarrean izandako akordio faltagatik, eta irtenbidea bilatzeko Nazioarteko Diru Funtsa laguntzeko prest dagoela berretsi du.
"NDFren Zuzendaritzari jakinarazi diot Greziaren gaineko azken berriak, nire desengainua adierazi diot, eta Greziako agintariekin lan egiteko prest gaudela azpimarratu dut", zabaldu du Lagardek ohar baten bidez.
Likidezia-falta
Goizeko lehen orduan, BBC telebista-kate britainiarrak adierazi du Europako Banku Zentralak eten egingo zuela larrialdiko likidotasun laguntza (ELA) Greziako bankuei. Laguntza herrialdetik ateratako diruaren eragina orekatzeko onartu zuten, Atenasen eta Europar Batasunaren arteko negoziazioek huts egin zutenean.
Estatu baten larrialdiko likidotasuna ez dago erreskate programa batek baldintzatuta, baizik eta bankuen kaudimenaren araberakoa da.
Halere, Greziak Nazioarteko Diru Funtsari ekainaren 30ean eman behar dizkion 1.500 milioi euroko diru-partidak Estatuaren kaudimena zalantzan jarriko zuen.
EBZak larrialdiko diru-sarrera etengo balu, Atenasek kapitalaren gaineko kontrolak ezarri behar izan zuen.
Mugak bankuei
Yanis Varoufakis Greziako Finantza ministroaren esanetan, baliteke Gobernuak gaur gauean bertan bankuak ixtea erabakitzea eta astelehenera begira finantza eragiketei mugak ezartzea.
Varoufakisek BBC R4 irratian egin ditu adierazpenak. Bertan, "izugarritzat" jo du Europako Banku Zentralak larrialdiko diru-partidak kentzea aztertzea.
"Egiten baldin badu, Europak porrot egingo du", esan du ministroak. Varoufakis Eurotaldearen bileran egon zen atzo, larunbata, eta erreskatea ez luzatzea erabaki zuen, Greziaren zordunen proposamenaren gaineko erreferenduma egin arte.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.