Bakearen Nobel Saria, Tunisian elkarrizketa sustatu zuen laukoteari
Tunisiako Elkarrizketa Nazionalerako Laukoteak irabazi du 2015eko Bakearen Nobel Saria, 2011ko iraultzaren ostean askotariko demokrazia ezartzeko egindako lanagatik, Norvegiako Nobel Batzordeak gaur Oslon jakinarazi duenez.
2013an sortutako laukotea gizarte zibileko lau taldek osatzen dute: UGTT sindikatua, UTICA patronala, abokatuen sindikatua eta Giza Eskubideen aldeko Tunisiako Liga.
Tunisiako gizartearen "sektore eta balore desberdinak" ordezkatzen dituzte, eta elkarrekin sustatu zuten trantsizio politikoa, "gerra zibila pizteko zorian zegoenean", Batzordeak saria justifikatzeko emandako azalpenen arabera.
Taldearen lana oso garrantzitsua izan da, horren iritzian, Tunisian sistema konstituzionalak "herritar guztien giza eskubideak berma ditzan, ideologia politikoa, erlijioa edo generoa aintzat hartu gabe".
Tunisian hasi zen Udaberri Arabiarra deiturikoa eta, Ekialde Hurbileko eta Afrika iparraldeko beste herrialde batzuetan ez bezala, "trantsizio demokratikorako" pausoak eman dituzte bertan. Iazko hauteskundeak izan ziren "giltzarri", baketsuak izan zirelako eta Konstituzio berria ekarri zutelako.
Norvegiako Nobel Batzordeak esan du Laukoteak "herritarren, alderdi politikoen eta agintarien arteko elkarrizketa baketsua" sustatu zituela, eta "testuinguruan oinarritutako irtenbideak eraikitzen" lagundu zuela. Elkarrizketa horri esker indarkeria galarazi zela ere uste dute.
Batzordearentzat Zine el Abidine Ben Aliren erregimenaren ostean Tunisian izan zen trantsizioa "bakarra" da munduan, mugimendu laiko eta erlijiosoen arteko batasunagatik, eta gizarte zibileko taldeen eta erakundeen inplikazioagatik.
Norvegiako eledunek espero dute sariak "Tunisian demokrazia egonkortzen" lagunduko duela, eta "inspirazioa" izango dela munduko beste toki batzuetan bakea sustatu nahi dutenentzat.
Batzordearen esanetan, Tunisiako Elkarrizketa Nazionalerako Laukoteari ematen diote saria, ez hori osatzen duten taldeei.
Zure interesekoa izan daiteke
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso trukatuko dituzte.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.