Portugalgo presidenteak Passos Coelhoren esku utzi du gobernua osatzea
Anibal Cavavo Silva Portugalgo presidenteak Pedro Passos Coelho hautagai kontserbadorearen esku utzi du gobernua osatzea, urriaren 4ko hauteskundeen ondotik.
Erabakia hartu baino lehen ganberan ordezkaritza lortu duten alderdi guztiekin bilera egin du Cavaco Silvak, eta bart agerraldia egin du ebatzitakoa jakinarazteko. "Portugalgo 40 urteko demokraziaren historiari erreparatuta, hauteskundeak irabazi dituen alderdiari dagokio gobernua osatzea. Hala, Pedro Passos Coelho izendatu du lehen ministro", iragarri du Cavaco Silvak.
Gobernua osatzeko beste aukera errotik baztertu du Cavaco Silvak: Alderdi Sozialistak, Ezkerreko Blokeak (marxistak, Syrizaren eta Podemosen aliatuak) eta Portugalgo Alderdi Komunistak osatutakoa, alegia. Presidentearen hitzetan, aukera hori "erabat arduragabea da, gobernu egonkor, sinesgarri eta iraunkor bat osatzeko bermerik ez dutelako".
Hala, gogor kritikatu du sozialisten papera eta Passos Coelhoren gobernuaren biziraupena euren esku dagoela gogorarazi du. Izan ere, marxistek eta komunistek iragarri dute hautagai kontserbadorearen kontrako zentzura mozioa aurkeztuko dutela.
Urriaren 4ko hauteskundeetan, botoen % 39 eta 107 eserleku eskuratu zituen Passos Coelhok buru duen zentro-eskuineko koalizioak (gehiengo osoa 116 ordezkari dira). Alderdi Sozialistak botoen % 32 eta 86 diputatu lortu zituen; marxistek, % 10 eta 19 eserleku, eta komunistek, % 8 eta 17 ordezkari.
Zure interesekoa izan daiteke
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.