'Chapo' Guzman droga-trafikatzailea atxilotu dute
Joaquin ?Chapo? Guzman droga-trafikatzailea atxilotu egin dute, Enrique Peña Nieto Mexikoko presidenteak jakinarazi duenez. Guzmanek segurtasun handiko espetxe batetik ihes egin zuen joan den uztailean eta ordutik ihesean egon da.
"Lortu dugu. Harrapatu dugu. Joaquin Guzman Loera atxilotu egin dutela jakinarazi nahi diet mexikar guztiei", adierazi du Peña Nietok Twitter bidez zabaldutako mezu batean.
Segurtasun indarrei esker ona adierazi die, baina atxiloketaren inguruko xehetasun gehiagorik ez du eman.
Guzman Mexiko Itsas Armadaren operazio batean atzeman dute, Sinaloa Estatuan, bere sorterrian, EFE albiste-agentziak iturri ofizialak aipatuta zabaldu duenez.
Operazioa Los Mochis izeneko herrian egin dute. Bost gaizkile hil egin dituzte, sei pertsona atxilotuta daude eta militar bat zaurituta dago.
Atxiloketa
Guzman herri horretako motel batean atxilotu dute. Etxe batean zegoen, baina operazioa hasi denean estolderietatik ihes egin du beste gizonezko batekin batera, auto bat hartu dute biek eta motel batean ezkutatu dira. Ordu batzuk geroago, Armadak atxilotu egin ditu.
Mexikoko Itsas Armadaren idazkaritzak ohar batean zehaztu duenez, herritar batek ohartarazi zuen aipatu etxebizitzan armatutako gizonak zeudela eta salaketa horren ondotik jarri zuten abian operazioa.
Segurtasun indarrak bertaratu zirenean, etxe barrutik tiroka hasi ziren eta militarrek ere indarrez erantzun zuten. Orso Ivan Gatselum Cruz Sinaloa iparraldeko gaizkile taldeko buruzagia bertan zela jakinarazi dute, baina Guzmanen inguruko aipamenik ez dute egin.
Gerora, Enrique Peña Nieto Mexiko presidenteak berak baieztatu du operazio horretan 'Chapo' Guzman atxilotu dutela.
Telebista bidez emandako agerraldi batean, Mexikoko presidenteak azpimarratu du Guzmanen atxiloketa ?Zuzenbide estatuaren garaipena? eta ?inpunitatearen aurkako ekintza? dela.
Enrique Peña Nietok segurtasun indarrekiko ?harrotasuna? agertu du, eta ?batuta? egonez gero, mexikarrak ?edozein helburu? lortzeko gai direla nabarmendu du.
Ihesaldia
Sinaloa kartelaren sortzaileak uztailaren 11an egin zuen ihes espetxetik, kilometro bateko luzera zuen tunel batetik. Atxilotu eta bost hilabetera izandako ihesaldi hark hautsak harrotu zituen Mexikon eta agintariek kritika gogorrak jasan zituzten, tartean Enrique Peña Nietok berak ere.
Mexikoko presidenteak bere gain hartu zuen gertatutakoaren erantzukizuna eta ihesaldiaren ostean abian jarritako ikerketaren ondotik 30 bat pertsona atxilotu zituzten.
Bigarren aldia zen 'Chapo' Guzmanek kartzela batetik ihes egiten zuela. 1993an Guatamelan atxilotu zuten eta 21 urteko kartzela-zigorra ezarri zioten, baina 2001ean beste espetxetik ihes egitea lortu zuen. Horrenbestez, gaurkoarekin hirugarren aldiz atxilotu dute.
Mexikon hainbat auzi ditu irekita, baina baita Ameriketako Estatu Batuetan ere. Horregatik, AEBk 'Chapo' Guzmanen estradizioa eskatu dute.
('Chapo' Guzmanen ihesaldiaren bideoa)
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.