Clintonek eta Trumpek garaipena lortu dute 'superasteartean'
Donald Trump handi-mandiak eta Hillary Clinton Estatu idazkari ohiak garaipen argia lortu dute 'superasteartea' izenekoan. Ondorioz, Etxe Zurirako lasterketan presidentegai errepublikano eta demokrata izateko faborito nagusiak dira.
Demokraten alderdian, Clintonek Alabama, Arkansas, Georgia, Tennessee, Texas, Virginia eta Massachusettsen irabazi du. Bien bitartean, Bernie Sandersek garaipena lortu du bere gotorlekuan, Vermonten, bertako senataria baita. Era berean, Minnesotan eta eta Coloradon irabazi du Sandersek.
Bestalde, errepublikanoen artean, Trumpek Alabama, Arkansas, Georgia, Virginia, Massachusetts, Vermont eta Tennesseen irabazi du. Ted Cruz senatariak meritu handiko garaipenak lortu ditu Texasen eta Oklahoman. Hirugarren lekuan Marco Rubio sailkatu da. Minnesotan bakarrik lortu du garaipena. Alaskan nor atera den irabazle oraingoz ez dute jakitera eman.
Bertako komunikabideen arabera, Clintonek zazpi estatutan irabazi du. Bernie Sanders senatari demokratak bi estatutan lortu du garaipena.
Emaitzek bultzada handia eman diote lehen dama ohiari; izan ere, 436 ordezkari erdietsi ditu. Aurkariak, ostera, 260 ordezkari demokrata lortu ditu ?superasteartean?.
Hautagaitzako lasterketa atzean uzteko prest dagoela adierazi du Clintonek, eta Trumpen aurka egin du bere hitzaldian.
Clinton: "AEBek ez diote sekula handi izateari utzi?
"AEBek ez diote sekula handi izateari utzi?, esan du Trumpen hauteskunde-leloa kritikatuz: ?AEB berriro handi egin ditzagun?.
Donald Trump handi-mandia Palm Beachen. Argazkia: EFE
Alabama, Arkansas, Georgia, Virginia, Massachusetts, Vermont eta Tennesseen garaipena lortuta, Trump presidentegai errepublikanoa izango dela ematen du. Handi-mandiak 186 ordezkari erdietsi ditu ?supeasteartean?. Ted Cruz eta Marco Rubio senatariak urrun ditu dagoeneko.
Ted Cruz irabazle Texasen
Hala ere, Cruzek meritu handiko garaipena lortu du Texasen. Horrela, ?superastearteko? gotorleku errepublikano garrantzitsuenetarikoa kendu dio senatariak Trumpi. Era berean, Cruzek Oklahoman irabazi du. Guztira, 125 ordezkari erdietsi ditu Cruzek.
Texasek 155 ordezkari errepublikano eta 252 demokrata banatzen ditu. Estaturik garrantzitsuena da ?superasteartea? izenekoan. Guztira, dozena bat estatu izan dira jokoan.
Bestalde, Marco Rubio Floridako senatariak Minnesotan irabazi du, eta hautagai errepublikanoen artean hirugarren tokian sailkatu da ?superasteartean?, 62 ordezkari lortuta.
Errepublikanoen alderdian, azken tokietan John Kasich Ohiko gobernadorea eta Ben Carson neurozirujaua sailkatu dira. Kasichek 18 ordezkari lortu ditu eta Vermonten emaitza ona erdietsi du, meritu handiko bigarren postua lortuta. Carsonek hiru ordezkari soilik eskuratu ditu.
Emaitzen berri izan ondoren, Marco Rubio ?gaueko galtzailea? izan dela adierazi du Trumpek. Alderdi Errepublikanoak ?iruzurgile bat sekula ez? duela aukeratuko erantzun dio Floridako senatariak.
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.