Belgikako Gobernuak dio 'utzikeriaz' jokatu zutela El Brakaouirekin
Belgikako Barne ministro Jan Jambonek onartu du "zabarkeriaz" jokatu zutela Ibrahim El Bakraouiren kasuan. Haren ustez, onartezina da aparteko ezer egin ez izana Turkian atxilotu zutenetik Holandara deportatu zuten arte. El Bakraoui da Bruselako atentatuen ustezko egileetako bat.
"Polizia Federalarekin bilera egin ostean, ondorioztatu dut norbait zabarra izan dela, baten batek ez duela konpromisorik izan txosten batekin, alegia, terrorismoa izan zitekeela hasieratik zehazten zuen txostenarekin", esan du Jambonek, Belgikako Parlamentuaren aurrean egindako agerraldian.
Ministroak atzo eman zuen dimisioa, baina Belgikako lehen ministro Charles Michelek ez zuen onartu. Jambonek gaur esan du "erantzukizun politikoa" onartu behar duela, Poliziako arduraduna den aldetik, baina nabarmendu du ez duela inolako zerikusirik "erruduna izatearekin".
"Arrisku handia zegoen"
Nabarmendu du ez dela zaila ulertzea arrisku "oso handia" zegoela eta pentsatzea El Bakraoui atzerriko borrokalaria zela; izan ere, azken horren profilak (hamar urteko zigorra zuen, hainbat urte zituen emana kartzelan, Siriara joana zen eta Turkia eta Siriaren arteko mugan antzeman zuten) arrastoak ematen zituen hori ondorioztatzeko.
"Ekainaren 26an izan genuen haren berri, eta uztailaren 20an eraman zuten hegazkinez Holandara; tarte horretan, bitartekoa zen ofizialak ez zuen aparteko ezer egin", jarraitu du Jambonek. "Onartezina da nola jazo den hau, eta ondorioak onartzen ditut", gehitu du.
El Bakraoui 2015eko ekainaren 11n antzeman zuten Turkian, Siriako mugatik hurbil, eta ekainaren 26an Turkiako Poliziak horren atxiloketaren berri eman zion Belgikako bitartekoari, alegia, Turkian Polizia belgikarrak duen ordezkariari.
Handik hiru egunera, ekainaren 29an, ofizial horrek informazioa eman zion Belgikan dagoen polizia judizialaren zerbitzuari; hortik, informazioa Turkiako funtzionarioari iritsi zitzaion; izan ere, El Bakraouik, armak erabiliz lapurreta egiteagatik, hamar urteko zigorra izana zuen.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.